السلام عليكم ورحمة الله وبركاته
توني مسجل عشان ابلغ اخواني في هالموقع لموقف حصل لي اليوم وهي محاوله للنصب علي انا وصديقي
كنت توني جاي من بورصه وطالع من ميناء يانيكابي وقلت خلني اقطع الشارع واخش ع المدينه وبعدين اوقف تاكسي بدل زحمة الميناء لاني ماحب وجع الراس. خشيت ع شارع وامشي فيه وزحمه الشارع
الا وشوي شخص معاه سياره شيفروليت موقف ويسألني عن منطقه ماعرفت اسمها قلت ورني الخريطه قال لي اوكيه ووراني .. شوي وسألني عن جنسيتي قلت سعودي . قال انه ايراني . وسلمت عليه وهو يكلمني راكب وجمبه السواق وورا معاه بنت حلوه ماخذينها للإغرراء خ الزبده انه قال لي الايراني انه بيجي السعوديه ويبي يعرف كم الصرف بينها وبين الدولار وكم تساوي وقعدت اعلمه على نياتي . شوي قال لي ..معك فلوس سعوديّه؟؟قلت ايه
قال ورني لوسمحت فتحت محفظتي وانا عندي حوالي ورقتين من فئة 50 ريال وورقه من فئة 10 ريال وريته العشره قال لي يبغى اكبر فئه . انا حسيت وقتها انه نصّاب قلت ماعندي الا ال10 ريال خذها مابغاها وعطيته ياها وسلّم ع صورة الملك عبدالله . ولاحظت اني كل ماقلت له شي .. يفتح محفظته ويقول لي لاتخاف لاتخاف شوف انا معاي فلوس ويفتح محفظته والاحظ ان معاه اقل شي 30 او 40 ورقه من الدولارات والمحفظه حقته مليانه .. شوي قال يبي يشوف الليرات التركيه وريته ورقه فئة 5 ليره . قال لي لالا..ابي اشوف اكبر فئه من التركيه . انا وقتها قفلت اخلاقي رجعت الفلوس لجيبي ..وطلعت ليره معدنيه من جيبي الداخلي . وقلت هذي اكبر عمله عندي تبيها ولاتوكل ع الله(ع قولة امين عسير) وامشي واخليّه ولاحظت بعد اذا طلب مني اي ورقه او عمله يقول لي شوي بالله عليك المدام تبغى تشوفها . والمدام مسويه البريئه
يمكن بتقولون السالفه مافيها نصب لكن انا قررت انها نصب عشان عدة معطيات
1- يبغى يشوف اكبر فئه دائما من الريال السعودي والليره التركيه واليورو الاروبي والدولار الامريكي
2-كل شوي يحاول يطمّني ويقول شوف عندي فلوس ويفتح محفظته
3-وهو خاش جو ويتكلم معاي الاحظ ان السوّاق يسأل ولد عمي ويحاول يضيعه بالكلام مايبيه يكون معاي ومنتبه معي
4-دايم يقول عشان المدام وعشان المدام والاحظ ان البنت مرتبكه جدا