1. ثاني يوم طلعت للروشه وللحمرا و اخذت فوق تحت للسعوديه


2. الخلاصه :- ( ارجع واقول اتمنى من الجميع انهم يتقبلون رأي )


3. 9- الاسواق هناك عاديه جداً و اشوف ان اسواقنا افضل بمليون مره.


4. 10- لم ارى شيء في لبنان يلفت الانتباه.

السلام عليكم ورحمة الله وبركاته...
في البدايه اتمنى من الاخوه تقبل رائي ولو كان ضد رائيهم فانه يعبر عن مافي خلدي...
واشكر منتدى المسافرون العرب الذي هو المرجع الاساسي لي في جميع رحلاتي واليكم قصتي
قصتي هي كانت كالتالي.... ( بعض الكلمات سوف تكون باللهجه العاميه ,,, ارجو المعذره)
سافرت الى الكثير من الدول و كل ماجلست مع الشباب يقولوا كيف تروح للدول هذي كلها و ما زرت لبنان فاخذت الفكره براسي اشواط واشواط المهم جاء القرار الرسمي بمرسوم ملكي 11222/أ سوري امزح بالذهاب للبنان وحيداً وطبعاً تبقى المشكلة الدائمة الي هي الاجازه ولاكن قررت انها تكون نهاية اسبوع فقط يعني يومين خميس وجمعه
حجزت على طيران ناس ب 1202 ريال سعودي ( 8-10/10/2009) طبعاً وفكرت بحجز فندق فسألت واستفسرت الي قالي فالنسيا و اللي قال الحبتور لاكني اتذكرت اني كنت قاري موضوع عن الشقق المفروشه في لبنان وكان وحده منها Etoile Suites حصلت رقمهم على الموقع و اتصلت ردت على الاستقبال و سألت عن الغرف و خربتني انه الغرفه ب 180 دولار + 10% ضريبه وازعجت امي بموضوع موقعهم السوليدير و السوليدير وانا مفهي مادري وشو مع اني كنت اسمع فيه هو والروشه و الحمرا مع العلم ان او اتصال على فندق كان هم فقط فعرفت ان السالفه نصب X نصب فجاء القرار الرسمي ان الرد يكون بالمثل ( استخدام خبرة سنين السياحه ) فقلتلها انا محصل في الروشه و الحمرا ب 100 و ب 120 دولار ( مع اني مادري هو فيه فنادق هنالك و الا لا ) المهم قالت عطيني رقمك و اسمك و المدير راح يتصل عليك انا قلت اكيد انه بيسحبون علي.
لاكن بعد ساعه اتفاجاءات باتصال المدير حقيقه وازعج امي بكلامهم المعسول في الموقع الي مادري و ينهو فيه وفي النهاية قالي حابين نكسبك ( نصب ) ونعطيك الغرفه ب 120 دولار قلتله اوكي ثبت + 25 دولار قيمة التوصيل من المطار
وصلت وكانت الساعه 10.30 والصراحه تقال على صغر مطارهم الا انه افضل من محطة الباصات ( مطار الملك خالد و لايهون مطار الملك عبدالعزيز )
وكان السائق بالانتظار و اخذ الشنطة و للفندق على طول وهنا بدت احداث القصه الدراماتكيه رفضوا الشرطه دخولنا للشارع الي فيه الفندق بحجة السياسه الامنيه ( هذي بدايتها الله يستر من تاليها ) سلمت امري لله ورحت مشي للفندق اسحب شنطتي
عملت شيك ان وطلعت اتمشيت الى الساعه 3.00 الفجر حسب القاعده ( النوم في الديرة فقط ) وبدأت للأسف المشاعر تصير تجاريه
صحيت بدري ثاني يوم و افطرت في الفندق وجاءت ساعة الصفر للهجوله طلعت تمشيت لاغلب الاماكن السياحيه في لبنان الي بكل امانه يومين كثيره عليها ( المغاره و الجبل عاليه و الخ الخ وكانت المناظر ماهو مثل ماسمعت ) مع احترامي للجميع
تعشيت في السوليدير وكان الجو لاباس به مقارنه بالدول السياحيه الثانيه وبعدها رحت لمجمع ABC الي كنت اتخيل ان الراشد مول ما ياكل عيش معه يوم شفته عرفت ان الرياض مول يعتبر صرح شامخ قدامه

ثاني يوم طلعت للروشه وللحمرا و اخذت فوق تحت للسعوديه

الخلاصه :- ( ارجع واقول اتمنى من الجميع انهم يتقبلون رأي )

1-نسبه من الشعب اللبناني ( وليس الكل طبعاً ) مع احترامي للجميع مظاهر و اتيكيت كذابه و في غير محلها على سبيل المثال دخلت المطعم الساعه كانت 6.00 في المساء يعني وقت المغرب تقريبا و اتفاجاء انه فيه واحد لابس نظاره شمسيه و زقارة كوبيه – انا قلت اكيد بتظلم الدنيا و بيشلها – جت الساعه 7 ماعندك احد جت الساعه 7.30 اخر شيء بغيت اروح و اقوله صراحه نظارتك احلى ماركه بس اعرف انا في الليل يابو شباب
2- التكاسي مايرضو انك تتكلم معهم عن السعر ( لا اعلم لماذا )
3- الاسعار غاليه جداً جداً لدرجة ان الرحله من غير التذكره 700 دولار يعني تقريباً 2600 ريال على يومين مع اني كنت متحفظ جداً.
4- يومين تكفي انك تلف لبنان من اولها لاخرها.
5- شوارع بيروت ضيقه ومزدحمه.
6- لبس بعض البنات هناك بعيد جداً عن الحشمه و هذا يغير ان شفت على كورنيش الروشه اشياء في السياره يندى لها الجبين.
7- بعض بنات الخليج في لبنان متخلفات جداً فكان لهن نصيب من اللبس الغير محتشم بشكل كبير ( في نظري تخلف )
8- الجو كان عادي جداً مع العلم سفرتي كانت في هذا الشهر اكتوبر 2009.

9- الاسواق هناك عاديه جداً و اشوف ان اسواقنا افضل بمليون مره.

10- لم ارى شيء في لبنان يلفت الانتباه.

اخيرا اتمنى منكم اخواني تقبل رائي ولاكن يبقي عشقي الاول و الاخير فقط للدوله التي لم اعد ارى غيرها من الدول المغرب الحبيب مع احترامي لجميع الدول و اعدكم بوضع بعض صور الرحله قريباً جداً ( ارجوا افادتي عن كيفية امكانية وضع الصور )
اخوكم / ابن بطوطه KSA