1. واروح السياره واجيب الشنطه واوصي على سيارتي الجديده

بسم الله الرحمن الرحيم
أحب اشكر كل شخص مشارك ويشارك بقصه او اقتراح في هذا المنتدى الرائع والشكر موصول لرئيس المنتدى والمدير العام .
بقولكم قصة سفرتي الأولى للبنان الحبيبة و لوحدي / بلغتنا العامية / وأعتذر عن أي أغلاط لأني في العمل اكتب لكم القصه وكل شوي يدخل واحد .
في يوم جمعة صحية من لنوم تعبان من الروتين وافكر في الدوام انا اعمل خارج مكة بحوالي 100 كيلو رايح و100 جاي وكمان خارج من حادث مفجع والحمد لله ومعايه راعه ( يعني مفجوع ) قبل أسبوع كنت حاجز على كازا لوحدي اغلب سفراتي لوحدي واقابل واحد يقولي اخويا بغى يموت ويطعنونه بالسكين قلت لا يا بو الشباب الغي لسا ماتزوجت ومالك ومال المشاكل وانت رايح بدون اجازه بس كلمت الرئيس يعني بشيلي قب لو سارلي شي المهم مالكم بطوالها واشوت الباب ظفر من قوة الطفش ويجي طاري السفر مره ثانية بس المره هذي لبنان وافتح موقع الخطوط السعوديه واشوف الرحلات اللي رايحه قريب والقى رحلة بيروت حبيبي وانا ما اعرف ولا شي في بيروت ولااعرف طباع اهلها وافتح المنتدى والى كل الناس يثنون عليها وارتب الشنطه وانزل مع الدرج و أحصل الشايب صاحي في الحديقه قدامه السياره يعني بيسألني ويقولي بقولي ارجع 100% طيب المهم اخليه لين يدخل البيت واحط نعالي في يدي الشنطه في اليد الثانية واشغل السياره وعلى جده
واوقف سيارتي بالموافق الخاصة وعلى الصاله واقطع التذكره وعى مصرف الراجحي ويقولي النظام معطل يالله ما احب المواقف المحرجه المهم اشتغل الناظام وسحب عشرة الاف ريال والف دولاار

واروح السياره واجيب الشنطه واوصي على سيارتي الجديده

واشحن الشنطه وارتاح من المناقز واروح اصلي الظهر بعد ما راسي انكفا واختم الجواز و اخذلى قهوه تركي واحط رجل على رجل الحين جا دور اكلم الاهل واكم امي يا حليها قلتها يامي انا مسافر لبنان قلت قريبه واللى بعيده قلت لا قريبه قالت روح الله يوفقك بس اهم شي الصلاة قلتها لا توصين وانا في خاطري كيف ابوي وش بيقولي الله يخارجنا
كل سفره يا اكذب عليه يا اقوله في عمل علشان ما ينكد علي الله يهديه وعلى هذا الموال 16 سفر والمد ماتطول رحلتي اكثر من اسوعين بس هذي الرحله لدوله اأول مره اروحلها ولوحدي قلت اصدق مع الاهل علشان لو سارلي شي يرسلون احد يجيب جثماني الله يرحمني وانا اعرف نفسي ملقوف
وادق على الشايب واقوله ابو انا مسافر .... سكت ... سكت استعداد للهجوم .... ويطول السكوت ..... وتاتي انبراشه انت يالى فيك ما يخطيك يالداشر ويالي ويالي توك جاي مالك شهرين و انزل الجوال وابتسامه عريضه للجالسين اللي جنبي قلت يمكن سمعوه الله يسعده
الله يهديك يا ابوي انا والله الطفش طالع من عيوني واسكت لين كمل كلامه وختم روح بس انتبه لنفسك يا وليدي خلك ذيب اح ابشر انا ولدك يا بوي ( يحبني بقوه الله يسعده )
وتضهر الضحكه اللي والله من قلبي وتشق وجهي حسيت اني فرحان حاس اني بتعطر واختبط ويجيني وسواس اني قفلت السياره ولى لا واوصي واحد يشوفلي السياره . واطلع الطياره اول واحد كلهم مشالله عليهم لبنانين حلوين الله يخليهم لبلدهم ويدق عليا ولد عمي ويقولي السياره مقفله وارتاح ... واطالع عن يميني ويساري الله من الزين اللي فيهم احسن اني شاكوش
يتيع