- 2- التخطيط الاول للجازة
- 1- اي الترتيبين اجدى واوفر؟؟
السلام عليكم ورحمة الله
الاخ الشاب (عبدالمجيد) تحية عطرة ..وأرجو الا اثقل عليك بالاستفسارات ...
قاعدة اخطط لعطلة الصيف واحجز من الحين عشان ما نتورط لا قرب الوقت واحتاج لبعض المساعدة
1- ابي احجز (15- 16 جولاي الرياض- ملقا) لاربعه اشخاص ( انا وزوجي وطفلين (3سنوات وسنة) )
وحجزت على السعودية وانصرعت شوي من الاسعار(18.419)ريال ماادري اذا فيه خطوط ثانية والفرق يسوا او لأ ...
2- التخطيط الاول للجازة
1- 15 ليلة في ماربيا (شقة : مكونة من غرفة وصالة (فيها صوفا بيد) ومطبخ وحمام) بس تكون نظيفة ومرتبة وسعرها معقول في مكان آمن ومعقول حتى لو كان بعيد شوي عن البورت لاننا بنستأجر سيارة..
2- بننتقل من ماربيا الى برشلونة (30 جولاي) ( بالافضل طيارة او سيارة؟) ..ونقعد بفندق 3 ليالي غرفة وحدة لان صعبه اطلع الاطفال بغرفة بروجهم اعمارهم صغيرة مره .. ومو ضروري على الرملا مباشرة بس يكون قريب بحيث نقدر نروح له مشي لانه مارح يكون معنا سيارة هناك غالبا .(حسب ماقرات ما ينفع التنقل بالسيارة هناك)
3- بعدين بنمشي لنيس أو كان(2اوقست) بنسكن بشقة لمدة 7 ليالي
4- وبعدين من نيس الى لندن (قاتوك) (9 اوقست)
##
التخطيط الثاني للاجازة
بدل ما نقعد في برشلونه 3 ليالي نخليها 10 ليالي ونخليها شقه بدل فندق ونكنسل نيس وكان ومن برشلونه نطلع للندن
الاسئلة ...
1- اي الترتيبين اجدى واوفر؟؟
2- وين القى شقق كويسة ومضمونة لاني اقرى في المنتدى ان البعض اتمقلب في الشقق الي خذاها سواء من ناحية الموقع والمعاملة زفت ..
3- لو حجزت عن طريق مكتبكم ممكن تسوون كل الاجراءات ( حجوزات الطيران من والى اسبانيا وداخل اسبانيا - السكن شقق وفنادق-السيارة ) وممكن تعطيني التكلفة التقريبية لكل شي؟.. وهل اقدر احجز واخلص كل الاجرائات من الحين واعربن ودفع باقي المبلغ يكون في وقت السفر ؟ وهل انتم فقط لاسبانيا ولا اذا بتلت على الترتيب الاول ممكن تساعدوني بالحجوزات في فرنسا(سواء سكن- سيارة- طيران)؟
4- اتصلت كذا مرة على مكتبكم محد يرد في اوقات معينة للدوام؟؟
اسفة على الازعاج وشاكرة من الحين حسن تعاونكم
موكا موكا
و عليكم السلام و رحمة الله
1- التذاكر سعر 18 الف ,, وين لقيته او اي درجة
2- الأطفال لهم سعر خاص طبعا في التذاكر
3- بالنسبة للشقة في ماربيا فأنصحكم بفندق بيير او فندق بينابولا و هي المناسبة لكم و توجد شقق قد تكون مناسبة خارج البورت بانوس و هي كثيرة لكن مستواها اقل من هالفندقين
4- الانتقال من ملقا الى برشلونة لازم يكون بالطائرة وخصوصا معكم اطفال لان المسافة 1000كم
5- السيارة ماراح تحتاجونها في برشلونة نهائيا
6- أنصحكم بالسكن في فندق اسبانوس في برشلونة و هي عند مبنى ساقرادا فاميليا و قريبة جدا للرامبلا و لكن عن طريق المترو لكنها شقق ممتازة و مناسبة و سعرها مناسب و منطقتها مناسبة
7- الافضل الغاء كان و نيس لانها اول شي كثيرة سبعة ايام و ثانيا راح تكون مملة للاطفال
8- 10 ايام كثيرة في برشلونة نوعا ما و لهذا فالافضل انكم تخلونها 7 ليالي في برشلونة و 3 ايام تضيفون ليلة واحدة في ماربيا و ليلتين تخلونها في اشبيلية بحكم ان اشبيلية كبيرة و علشان تزورونها على راحتكم روحوا لها يومين و خصوصا انها مدينة كبيرة سياحية متوفر فيها كل شي و فيها ملاهي على مستوى عالمي فيها للاطفال, و ماربيا راح تكون 16 ليلة. تزورون فيها (( غرناطة - قرطبة - رندة - جبل طارق و ماحولها من قرى مثل طريف و بيخير و غيرها من القرى الأخرى , بنا المدينة - فينخيرولا - ملقا- تورمولينوس - نيرخا - ميخاس و غيرها .
9- الإنتقال من اشبيلية الى برشلونة بالطائرة
10- بالنسبة للمكتب فتتوفر فيه جميع الخدمات و بالنسبة للتكلفة صراحة انا حاليا متواجد خارج المملكة و الأسعار ماهي عندي صراحة لكنها موجودة في المكتب,,, و المكتب حجوزاته لجميع أنحاء العالم و ليس اسبانيا فقط, لكن اسبانيا هي لعبة المكتب. و ساعات العمل مسائية فقط من الرابعة تقريبا الى العاشرة مساءالترتيب النهائي
الإنتقال بالخطوط السعودية إلى ملقا و سعر التذكرة 4000 للكبير تقريبا و 2000 ريال للطفل و 1200 اتوقع للرضيع ,,, صراحة ما عندي اسعار بالضبط لكن اتوقع انها في هالحدود ,,و هذا اذا كانت الأسعار نزلت.
احيي فيك الحجز المبكر و هذا الشي راح يفيدك كثير و ليت الكل يخلصون أمورهم من بدري و يرتاحون
لا تنسون أمور التأشيرة اذا ماكانت معكم و خلصوها من بدري و ارجو الإطلاع على الموضوع المثبت في بوابة اسبانيا بخصوص التأشيرات
ماربيا 16 ليلة في فندق بيير أو فندق بينابولا و هي شقق فندقية ثثم الإنتقال الى اشبيلية بالقطار او السيارة و المكوث ليلتين في فندق بارثيلو ثم الإنتقال بالطائرة الى برشلونة فندق اسبانوس او ليتاميندي في برشلونة ء8 ليالي و الإنتقال بعدها الى لندن بالطائرة و ما ادري عن نوعية السكن اللي تبونها هناك !1
و فيه ترتيب ثالث و هو بس اخاف انه متعب عليكم بكثرة التنقل
ماربيا 15 ليلة - برشلونة 6 ليالي - باريس 4 ليالي - لندن باقي المدة و جميع التنقلات بالطائرة عدا الإنتقال الى لندن فيكون بالقطار
سؤال اخير انتم ما تهتمون كثير بالاماكن الطبيعية؟