السلام عليكم ورحمة الله وبركاته
تحيه شكر وعرفان للأعضاء المنتدى الكرام
قررت اني اسافر الى الصين في الايام القادمه
وقدمت على التأشيره السياحيه يوم السبت و التسليم يوم الاربعاء
وكانت ولا اسهل منها عن طريق مكتب السندروس في الرياض
وكانت الاوراق المطلوبه
تعريف +الجواز الاصلي+450 ريال عن التسليم وكانت معاملتهم ولا اروع
قبل ماروحلهم
رحت مكتب في الرياض لخدمات الاستيراد في الرياض وعندهم مكتب في كوانزوا قالولي بنرتبلك الرحله وخدماتهم
اسقبال من المطار+مترجم +دعم بالمعلومات فقط وقيمتها 500 دولار
وجينا على التأشيره قالو لازم دعوه وقيمتها 200 يصلحونها في مكتبهم في الرياض + 650 قيمة التأشيره سفره واحده
مأعجبني المكتب وبعدها رحت طلعت التأشيره بنفسي
مكتب السندروس عندهم موقع على النت مفيد جدا فيه كل شي عن الصين
من حجز فنادق و معلومات عن الطقس و أوقات الصلوات في الصين ونصائح للمسافرين
وصرف العملات وغيرها وهذا الرابط حقهم
عندي اسفسارات
وش رايكم تاريخ 25-11-2010 مدة عشر ايام التذكره الى كوانزوا 3275ريال عن طريق الامارات
كيف السكن في هذا التاريخ هل الاسعار ترتفع عشان البطوله اللي تستظيفها
كلمت بعض الفنادق بتلفون مثل فيو سكوير قالولي 590 يوان غرفه وحده
وحصلت تذكره عبر الخطوط السعوديه الى هونج هونج دايركت 1750 ريال في تاريخ 19_1_ 2011
وش الافضل من وجهت نظركم الاولى او الرحله الثانيه
من ناحيه عدم وجود اجازات او معارض او بطولات يعني تكون كوانزوا هاديه
تحياتي لكم
تم مسح رابط الموقع ... لمخالفته لقوانين المنتدى