بس السؤال هنا ... بعد الأطلاع على الكثير من التقارير المكتوبة بالمنتدى لقيت أن هناك ثلاث مطارات !!
صحيح الكلام هذا ..
طيب كيف أعرف أي مطار أنأ بأنزل ... وليش ..
؟؟
الخطوط السعوديه تنزل في مطارParis Charles De Gaulle وتقدر تشوف اسم المطار لأجبت تحجز يطلع بالتكت

• وقت الذهاب بداية أكتوبر ..

ما أدري مناسب الجو .. وألا ...
الجو بيكون براد خفيف بس حلو واعتبره افضل وقت للسفر الى اوروبا
أتمنى أن أجرب القطار في السفر والتنقلات ..
بس كيف .. وهل تنصحون فيه ؟؟
ممتاز لايفوتك يكفي المناظر الحلوه
وتقدر تحجز من موقع القطارات اذا انت متأكد من التاريخ
لان كل ماحجزت بدري لقيت سعر افضل
العوده .. أنا حطيت النمسا أخر محطة لنا ... هل نسافر منها للسعودية
وألا نرجع لباريس ثم نروح للسعودية؟؟ سمعت ما في رحلات من النمسا للسعودية ... صحيح
شيك على موقع الخطوط او اتصل عليهم وتأكد وغالبا السعر والعروض الحلوه يكون الوصول والمغادره من نفس المدينه
بس متعب انك ترجع باريس مره ثانيه تقدر ترجع من جنيف مثلا
حبايب قلبي حبيت أخذ رايكم من واقع تجربة
الأماكن اللي تنصحوني أزورها وأستمتع فيها ..
شوف تقارير باريس وخذ فكره وترا مافيها طبيعه كثير اغلبها تسوق ومتاحف
بس اهم الاماكن الشانزليزيه وقوس النصر ومتحف اللوفر وبرج ايفل ونهر السين وديزني
واذا عندك وقت ممكن تزور الحي اللاتيني وحي لادفانس وقصر فرساي وغابة بولونيا
الاسواق كثيره وفيه اكثر من شارع مثل الشانزليزيه والشوارع اللي وراه
منطقة الأوبرا وشارع هوسمان كلها اسواق
ولاتنسى زيارة قاليري لافييت احسن مكان للتسوق
بيني وبينكم ... أنا قررت ...
أمشي على رايكم وكلامكم ...
وأنا واثق كل الثقة أني بروح وأستانس
ولا راح أنحاس واضيع هناك ,,
ولكم مني كل الدعاء
تحياتي لكم ..
أخوكم أبو عبدالله ...
اتمنى اكون افدتك واذا عندك استفسار معين حياك

ما قصرت اختنا بارك الله فيها
وتحت الخدمه