- التذاكر وشلنا همها
سلام عليكم ورحمه الله وبركاته
مساءكم صبآحكم عسل وقشطه وفراوله باندونق
صرآحه انا (( واعوذ بالله من كلمه انا )) بإذن الله نويت السفر على اندونسيا وحجزت تذ1كر الطيران على جارودا 20 نوفمبر والرجعه 1 ديسمبر ب2500 ريال بإذن الله دايركت من الدمام
التذاكر وشلنا همها
بس يا إخواني الفنادق والسكن هناك ..؟ شلون تنصحوني احجز كل شي من هنا ولا اسوي مثل باقي الشباب الي اشوفهم بالمنتدى اروح لمكتب كاها بالمطاار واحجز من عندهم لاوصلت ان شاء الله تكفون ياشباب مانبي نتوهق ونروح للجبل وبالي ومانلقى مكان ننام فيه ..؟كلها فوول ..؟؟!!!
وبعدين عطوني رايكم وخبراتكم
النيه على انا نروح الجبل اول ثمن باندونق ثم بالي والرجعه لجاكرتا
خويي نصحني اني مإطولها بالجبل لني راح اطفش لن مافيه طلعات وجيات وانشطه يعني 3 ايام كافيه وباندونق يوم واحد
وبالي ساحره قلبي وعيوني من قبل إجيها ابغى فيها اقل شي 4 ايام تعتقدونها كافيه ولا ..؟ >>> ناويها خير ان شاء الله
وبالنهايه الرجعه لجاكرتا مخطط لها يوميين حقت تسوق وتجميع هدايا وتمشيه خفيفه
المهم يالربع إن شاء الله ماتبخلون على اخوكم بالنصايح الطيبه والممتازه
ابغى اعرف كيف اطلع من جاكرتا للجبل على طول من المطار وبكم
ومن الجبل لبندونق وسائل المواصلات
واخيرا ابغى احجز تذكره طيران من جاكرتا الى بالي كيف احجزها وش تنصحوني فيه هل احجز مبكر من قبل لا إمشي من السعوديه ولا اذا وصلت يحلها ربك ..؟ يعني بسيطه ..؟
والكل حر تقدر تعطيني رايك في طريقه توزيع الايآم ابغى رايكم فيها ..؟ تكفون ردو علي بالجواب الشاافي الاسبوع هذ1
لاهنتوا
تحيااتي
انا شخصياً رحت من المطار بالتاكسي ومشغل العداد بسعر 330 الف روبية حتى وصلت مكتب سلطان بالجبل
بحث لي مكتب سلطان عن فيلا واخذت الفيلا بسعر 350 الف روبية
انصحك انك تستأجر من هناك افضل بعدين الجبل تستأجر من مكتب سلطان ماهو عن طريق مكتب كاها
اما باندونق تستطيع الذهاب من الجبل بالسيارة بسعر 500 الف روبية
وسمعت ان في قطار من جاكرتا الى باندونق
الطيران الى بالي احجز من الجبل ولاتنسى تكاسرهم ضروري وانصحك تاخذ ارخص طيران
مكتب سلطان يحجز لك ويضبط لك كل شيء (ماهي دعاية له لكن انا جربته وكاسرته) سعره ممتاز
النصيحة الأخيرة انك تأكد حجز العودة الى السعودة عن طريق نفس المكتب الي بتحجز منه
لاتنسى تكاسر بكل شيء