السلام عليكم ورحمة الله وبركاته..
ابشركم راح زوجي السفارة الالمانية وخذوا اوراقنا..لكن المشكله الوحيده اللي واجهتنا هي ان زوجي وصل السفاره الساعه عشره وكان زحمه فرفضوا يستقبلونه لكنه دخل علي المدير وقالة انه من الشرقيه وصعب يجي مرة ثانيه فسمحوا له...فانتبهوا وتعالوا مبكر..
مسار الرحلة كان علي الشكل التالي: باريس في فرنسا ثلاث ليلات-بادن بادن في المانيا ثلاث ليلات-سويسرا ست ليلات (استبدلته بالمانيا ست ليلات طبعا حجز من بوكينج وبالغيه)-فرنسا اربع ليلات.
الاوراق اللي اخذوها من زوجي:
1- صوره شخصية لكل شخص ،،بدون شماغ لزوجي وحسب شروطهم المذكوره بالموقع وصوره لي.
2- نسخه من الصفحه الاولي لكل جواز،،وصوره من الفيزا السابقه،، والجواز الاصلي.
3-حجوزات الفنادق من بوكينج اخذوا صوره وحده بس.
4- التامين الصفحتين الاولي منه اللي فيها اسمي واسم زوجي،، الاصل فقط.
5- خطاب تعريف باللغه الانجليزيه الاصل فقط.
6-كشف الحساب وصورة من الكردت كار بس شافوهم ورجعوهم.
7-الابلكيشن حق السافره وعبيته بالكمبيوتر وبرضوا ورقة تعهد وورقه ثانيه حق التامين.
طبعا تاخر زوجي وماطلع الا الساعه ثنتين ونص،، وراح يوصلون الجوزات بالفيدكس مقابل اربعين ريال لكل جواز.
الرسوم هي:
0لكل جواز+ 85 رسوم للمكتب لكل جواز+ 5ريال رسائل جوال لكل جواز+40 ريال للتوصيل لكل جواز= 440 ريال لكل جواز..