ALMN7OS^q8
29-09-2022 - 01:18 pm
السلام عليهوم
يعطيكم العافيه شباب وشابات بصراحه احب اشكر القائمين على هالمنتدى الممتاز اللي اغنانا عن مكاتب السفريات والسياحه واشكر جميع الاعضاء اللي مو مقصرين بالمعلومات اللي تخليك وتسافر وانت خبره بالديره
المهم انا موضوعي بخصوص تايلند بصراحه انا مارحت تايلند الا مره وحده بعمري ومن قبل 6 او 7 سنوات وطبعا وقتها مارحت الا بانكوك وبتايا واذكر وقتها كان سعر الصرف ارخص من الحين يعني تقريبا كان 6 دنانير الف بات والحين انصدمت ان الاف بات وصل فوق 8 ونص ابي اعرف هل الاسعار في تايلند نفسها ولا ارتفعت يعني الفرق بصرف العمله ولا في زياده بالاسعار هناك ولا احسب نفس حسابات قبل يعني مثلا اذكر قبل فندق vc كان اقل من الف بات وفندق غريس تقريبا نفس الشي هل الاسعار زادت ولا بس فرق العمله لاني ابي اروح وبحسب حساباتي
ومشكورين وناطر ردودكم وانشالله الكل يستفيد من هالموضوع
هلا ياخوي ...
بصراحة تايلاند متغيرة في كل شي ... يعني أذكر أول مرة زرنا تايلاند في عام 2001 ... وعقب سافرنالها في 2003 - 2004 - 2005 - 2007 وآخر زيارة في شهر سبعة 2009 .... بصراحة الأسعاار زماان غير والحين غير ...
الأسعار ارتفعت في كل شي ... خاصة في مناطق العرب ...
يعني نحنا صرفنا ضعف المبلغ اللي صرفنا في بقية السنوات ... " حتى إنا ما تسوقنا نفس كل سنة "
بس صرفنا الضعف ...
وبالنسبة للسرقات وسواالف النصب ... وايد زايدة .. والله زماان ما كنا نسمع عن الهالسوالف... بس هالسنة انصدمنا في تايلاند ...
يعني بالمختصر ياخوي ... شوف المبلغ اللي صرفته انت قبل 6 سنوات واضربه في 2 " على الأقل " ... ولو بتسافر في موسم الهاي سيزن ممكن تضرب المبلغ في 3 ....
بس طبعا مع زياادة الأسعار تعتبر بلد رخيصة ولا تقارن ببلادنا ...
أتمنالك إجازة سعييدة مقدما ...
أختك : p!nk zone