ياحياكم الله في قطر
وهذا الرابط ان شاء الله يفيدك
وتبقى سعر مقارب لطلب من فنادق مستوى النجمة الاولى
https://artravelers.com/p/re/178232
ومركز الجزيرة ماشاء الله متطور كثير
ويسوى عدد كبير من الدورات المتميزة كثير
واي استفسار ابشر به

حياك الله في قطر
بالنسبة للإستفسارات
1/ سوف أذهب بسيارتي ما هي الأوراق المطلوبة ؟
مطلوب الله يحفظك استمارة السيارة وان تكون بإسمك وجوازك اكيد اذا السيارة مب بإسمك مطلوب الحصول على تفويض من صاحب السيارة
2/ فندق يكون رخيص ( جدا ) بحدود 100ريال ...صاحبكم بخيل ماعليش ؟
اختي قطر2007 ما قصرت بالرد ..
3/ ما رأيكم بمركز الجزيرة للتدريب والتطوير ؟
مركز مميز وراقي ويقدم دورات متخصصة في الإنتاج التلفزيوني والترجمه وتصميم واخراج الصحف وغيرها ..
هذا رابط الدورات
ظ…ط±ظƒط² ط§ظ„ط¬ط²ظٹط±ط© ط§ظ„ط¥ط¹ظ„ط§ظ…ظٹ ظ„ظ„طھط¯ط±ظٹط¨ ظˆط§ظ„طھط·ظˆظٹط± http://training.aljazeera.net/coursesinfo.htm
حياك الله مره ثانيه في قطر

هلا بك الخيال العربي ..
وانا مثلك عندي اغسطس دورة شهر .. لو لقيت نفس السعر الي تبغاه عطني خبر الله لا يهينك ..

فندق ب 100 ريال ؟؟؟
وبقطر ؟؟؟
صاحي انت اخوي ؟؟؟
شوف ... الفنادق في هذا الصيف بالذات ...
عندهم عورض حاصة وحلوة ...
عيل من يصدق تحصب غرفة دبل لشخصين ... ب 600 ريال ....
لا ... وفي فندق 4 نجوم ... وعالكورنيش ....
بحبح مخباك شوي اخوي ... وارفع الميزانية ...
يعطيك العافية ...

إن شاءالله تلقى فندق يناسب ميزانيتك
حياك الله في قطر

السلام عليكم ورحمة الله
حياك الله أخوي في بلادك الثانية
الاخوان ماقصروا كفوا ووفوا
بس أقدر أفيدك بالسكن
طبعاً أفهم من كلامك إنك جاي شباب مب عائلة
ممكن تسكن في جمعية بيوت الشباب القطرية بقيمة 90 ريال للأعضاء أو 100 ريال لغير الأعضاء في الليلة
موقع الجمعية في اللقطة ومجابلها يوجد سوبرماركت ومغسلة ملابس وكافتريا
تحتاج إنك تحجز بالتلفون مسبقاً بس الله يعينك اتصل فيهم من وقت لوقت ان شاء الله يردون
رقمهم 4867180
:: بوفهد80 ::

يا الحبيب اللي أعرفه إن مركز الجزيرة يوفر إسكان مشترك أو مفرد للمتدربين بسعر معقول ورمزي .. وبالتوفيق

شكلك كنت مختفي عن الدنيا وطلعت فجأة
وين 100 ريال ياخوي والله لو تسكن بالبر دفعت أكثر من 100 ريال !!
عام 1415 هجري رحت فندق الواحة في الدوحة اللي جنب المتحف و قال لي موظف الاستقبال الليلة ب 100 ريال وطبعا ً أنا ماعجبني السعر وجيت أبمشي لقيت الهندي يترجاني أسكن ب 80 وقال والله ماأقدر أخفض أكثر من كذا !!
طبعا ً كسر خاطري وسكنت ب 80 والا لو أني مدور يمكن ألقى لي فندق يسكني ويدفع لي فلوس بعد
الله يالدنيا الحين لو تلقى غرفة ب 400 ريال تبوس يدك مقلوبة !!
أجل تبي تسكن ب 100 ريال احسب حسابك 100 ريال هذي ماتكفيك ربع ساعة و مثل ماقال لك الأخ أسير الدوحة بحبح مخباك أنا أقول لك شق مخباك
الله يوفقك يالحبيب

سرور
يلعن بليس التحطيم