حياك الله اخوي ,,
بالنسبة لمكاو وش سبب زيارتك لها ؟؟
تونا راجعين من هونج كونج واخذنا رحلة لجزيرة لانتاو بدل جزيرة مكاو ,, والرحلة اخذناها مع جروب سياحي من الفندق ,,,
ولا احس انها تستاهل من وجهة نظري انا ,,
يوجد في مكاو : سوق ضخم وتلقى تقرير مختصر عنه في تقرير الاخت luxury traveler وفيها عروض سيرك دو سوليه العالمي ,,
فيه اكبر مبنى قمار وفيه اشياء تراثية قديمة ( مباني وجدران)
اذا انت ملزم عليها الفندق يضبط لك رحلة او يقولون لك من وين تطلع لها ,,
لما كنا بنحجز لها ما قالت شي عن طريقة الدخول ولما قلنا بنروح لها لحالنا علمتنا كيف نوصل للفيري ,,
اتمنى اكون افدتك بمعلوماتي البسيطة عنها

PpPe
وعليكم السلام و رحمة الله و بركاته
تبعد هونق كونق عن مكاو بالفيري ساعه
و الفيزا الحمد لله امرها سهل جدا أسهل مما تتوقع
اول ما توصل مكاو بالسلامه يا رب وتدخل المبنى راح يكون على يمينك كوشك
مكتوب عليه Immigration Services خدمات الهجره
أصلا مافي الا هالكوشك ما راح تضيع بإذن الله
كل اللي عليك إنك:
تسلم جوازك وتعطيهم الفلوس
الرجال اللي بالكشك هو اللي بيعبي كل البيانات ويختم لك الفيزا عالجواز
يمكن يسألك عن اسم الفندق اللي بتسكن فيه
بالنسبه لسعر الفيزا يختلف اذا كان جوازك عائلي فيه اكثر من شخص
أو جاي ضمن مجموعه سياحية
أو لكل شخص جوازه الخاص
بالنسبه لي انا وعيال اختي كل واحد منا عنده جوازه
حسب للشخص البالغ 100 بتاكا=46.9 ريال سعودي
وللطفل دون سن 12 ب 50 بتاكا=23.4 ريال
راح اكتب عن مكاو بتقريري إن شاء الله لانا جلسنا فيها يومين وانبسطنا كثير
وإن شاء الله اني أكون أفدتك ولو بالقليل
صوره من موقع فليكر لشكل المبنى من برى أو المرسى بالاحرى مع الفيري

يعطيكم الف عافيه على مساعدتكم
بالنسبه لسبب الزياره بس ابغى ازورها من باب التغيير و انا احب ازور الاماكن الجديده الغريبه
مشكورين و ماقصرتوا

الصراحة تسوى تزورها يوم كامل ومن الصبح بدرى علشان يومك لا يضيع. بالنسبة للفيزا ، لا تصف بالطابور وتسوى نفس غلطتنا ويضيع وقتك. على طول اول ما تدخل الصالة بعد ما تنزل من العبارة تروح للمكتب او حسب ما اذكروا الاخوان الكشك واختم جوازك وعطهم الفلوس ( تراهم ياخذون بعد عملة هونج كونج ).
وشى ثانى وانت بالمحطة احجز حق رحلة العوده على طول لان التذاكر العادية اتخلص وما تبقى الا تذاكر الفيرست كلاس واهى اغلى وما تسوى لانهم بس يوفرون لك وجبة بسيطة والصراحة احنا ما اكلناها.

انا الان في هونق كونق
ياليت تدلوني على موقع الفيري الاقرب لي لاني ساكن في كولون
تحياتي

لقية نقطة انطلاق الفيري من كولون
مقابل كولون بارك
تمشي من ناتان رود باتجاه الغرب حتى توصل لكولون بارك وتحصل محطة الفيري مقابل كولون بارك من ناحية الشمال
تحياتي