1. السلام عليكم


2. ليش كذا ؟؟

السلام عليكم

اليوم رحت لمكتب بريطانيا لاستخراج الفيز بالرياض شي خيال ناس جاية من الساعه 3 الصباح عشان تمسك سرة والوضع من دون ارقام وبلد مثل بلدنا الناس ماتمشي الا بأرقام ولا قل على الدعوة السلام صياح ونياح عند البوابة قبل لا تفتح واصراخ الحريم تشمئز منها الانفس والسكورتيه ماهم قادرين يسيطرون على الاوضاع المزرية
الناس واسطات كلن يسقط على الثاني والثاني يقول انا جاي قبله وكل وحده تدعي على الي تدخل قبلها من دون حق وتتوعد وتهدد وأمام اسمع الجميع الي بتدخل الله لا يهنيها بسفرتها وجعلها وجعلها كنا مانا مسلمين ولا في شهر رمضان الكريم
واحد لها ثلاث ايام يجي وهو واطفاله ومايقدر يدخل ويحصل على رقم وكلما مسك سرة الناس تساقطه ولانه رجل راعي مبادي وقيم يمسك سرى ولما يوصل يلقى الرقم طار فجئه اليوم الاحد جاء من الفجر وتسحر وهو واطفاله عند الباب ويالله خلوه يصير الاول بعد ماطلع عن طوره وبأعلى صوت قال انا جاي قبل الكل وانا ماراح اتحرك من مكاني ولا اسمح احد يتعداني رحمته ورحمت اطفاله ومأساته الي لها ثلاث ايام تمام وكلها عشان فيز سواء سياحة او بعثه ماتسوى علينا هالحسرة
تاخذ رقم 77 وانت اول الواصلين تحتار كيف صار رقمك 77 في هالسرعه تجد بنو بنقال وبنو هنود وضعو الارقام تحت الطاولة يبتزون حتى تضطر وتشتريها بخمسين وياتي الدور قبل احمد وخلود
قصص من هنا وهناك مبتعثين مرضى سياحة الكل يبي الفيز بس المشكله بلد الدمقراطية بريطانيا تاهت خطواتها وانظمتها بعد ماصار لها مكان في بلدنا !!!

ليش كذا ؟؟

هل بلدنا مثال حي لشقلبت القوانين والانظمة وليش كل الانظمة تمشي برى وإذا صارت هنا تغيرت وانحرفت انا متأكدة انا الموجودين اليوم في السفارة كلهم راح يكونون في لندن من الناس المنظمين والي يمسك سرة من دون رقم ولا حبال على اليمين
من جد تحسفت اني اخترت هالبلد لان الوضع اليوم كان مزري يكفي المدير البريطاني يطلع علينا و يقول كريزي كريزي من جد حسيت بإهانه قبل لا تكون سفر وناسة