وسط المدينة التاريخة . في منطقة ارتوكوي الشهيرة . له مناظر على البحر او الحديقة الداخلية . خمسة نجوم . بصراحة الفندق فخم . لكن بعيد نوعا ما عن مركز المدينة . انما المواصلات متوفرة .
موقع الفندق .
http://www.ortakoyprincess.com/

يعطيك العافية ياعمدة يعني اتوكل على الله والاتشوف لنا شي على ذوقك وخبرتك لان فيه ناس ينصحون بفندق مرمرة يقولوا وسط البلد وحلو

مساء الخير يا عمدتنا وينك نبغى نصايحك انت وخبراء تركيا تكفون ابغى احجز وانتهي من هذا الهم

اهلا وسهلا بك اخي الكريم
الفندق ممتاز وموقعه رائع كما ذكر لك عمدتنا . توكل على الله وخذ الفندق . لن تندم خصوصا انه يقع على مضيق البسفور .
تحياتي لك

يعطيكم العافية يااخوان خلاص ابشركم حجزت بالفندق ودفعت الفلوس واخذتة بخمسمائة ريال لليلة شامل الافطار صراحة سعرة حلو واخذت كمان اربعة ايام في بورصة بفندق الميرة بسعر سبعمائة وخمسين ريال و لليلة
ادعولي بالتوفيق واذا احد عندة ملاحظة على الفنادق يقولي يمديني اكنسل الحجز واختار بديل بس انا مستغرب من سعرة صراحة خمسمائة ريال رخيص لخمس نجوم في اسطنبول

يا ابا محمد انت تدفع مائة للفندق واربعمائة لجمال المنطقة تذكر هذا .
بورصا . فنادق خمسة نجوم .
بايا بورصه هوتيل Baia Bursa Hotel بالإفطار - يبدأ من 414 ريال
ماري جولد ثيرمال آند سبا Marigold Thermal & Spa Hotel بالإفطار - يبدأ من 542 ريال
ألميرا Almira بالإفطار - يبدأ من 571 ريال .

الميرا سعره مرتفع جدا .
تبغ النصيحة اسكن في يالوا اجمل واحلى وماهي بعيدة عن بورصا ساعة زمن بالباص واذا وصلت otogar باص 94 يوصلك للتفريك .
او استأجر سيارة بالسائق من يالوا بما يقارب 200 دولار يوم كامل يطلعك الى بورصا مع زيارة اجمل المناطق في بورصا . مثل الشلالال الكبير والصغير . الشجرة العملاقة سوق اوزدلك .
هذا مجرد رأي وعن تجربة بالتوفيق .

bagher
يعطيك العافية عمدتنا انا رايح بنصف يوليو وهذا اقل سعر لقيتة للفندق مع الافطار خصوصا انة انا وزوجتي وطفلين حتى بموقع بوكينع اغلى من السعر اللي اخذت فيه وناس كثير قالوا اسكن في بورصة وتقدر تروح ليالوفا بنفس اليوم وترجع لانة وعلى حسب كلامهم وكلام اللي منتدى العرب المسافرون يقولون حد يالوفا يوم واحد لانها صغيرة بعكس بورصة ومانستغني عن نصائحك

يا ابا محمد الناس اذواق ولو طلب الناس كلهم الفول لبارت الاطعمة الاخرى .
انا ارى وعن تجربة ومعرفة يالوا افضل تقول ليش :
1 - السكن فيها ارحم وخصوصا اذا اخذت شقة في جوقجدرا ب 60-80 دولار . وفي منطقة حيوية جدا .
2 - ستجد الكثير ممن يتحدث اللغة العربية ويعين على عمل رحلات جماعية او حتى على مستوى العائلة . الى بورصا وغيرها .
3 - يالو فيها مناطق رائعة جدا وشلالات وغابات .
4 - يالو اكثر أمنا من بورصا وهذا كلام ثقة ومؤكد . والاجواء عائلية .
5 - الهدوء الرائع والقطار الصغير في القرية ووجود عوائل عربية الواحد يستأنس معهم .
6 - اذا كنت ممن يحبون السمر والسهر ماشاء الرحمن العرب سهروا الاتراك لمن بعد نص الليل .شاهد بعض الصور :