اخي الكريم موقع الفندق في السكومفيت Sukhumvit شارع رقم 7 وفندق غريس في نفس المنطقه شارع رقم 3
اعتقد انه قريب ولا يحتاج تاكسي
وهذه الخريطه توضح لك
http://www.cityphotoguide.com/files/images/sukhumvit.gif
أما عن الفندق نفسه فلا توجد لدي أي فكره

مشكور يا اخوي الغالي
بس ودي اعرف هل هو يصلح للعوائل اريد حد يطمني
ومشكور ملااين
اخوك
ظبي اللامارات

ظبي الامارات
الفندق قريب من المطاعم العربية في الحي العربي وكذلك محلات بيع الشنط والساعات المقلدة والعود والنعل وغيرها من المحلات المرغوبة لدى المسافر العربي وهو يصلح للعوائل .
اخوك بوراشد

مشكور يا اخوي بوراشد
وتسلم

اخوي الفندق مجرب وماعليه كلام نظيف فخم هادئ وصاحبه مسلم وبتحصل اتجاه القبلة موجود ومافيه اي خرابيط وكله نظام سويتات بتزوره مره بتعدمده كله مره
مكانه
في له طريقين
الفندق في سوي 7
الشارع اللي خلف اماري بوليفارد تمشي شوي وبتحصله علي يمينك وانته ياي من خلف الاماري
الطريق الثاني وانته ياي من امام الاماري بتحصل بويهك فندق رويال بنجا اول ماتوصل الرويال بنجا تلف يمين وتمشي شوي وبعدين يمين بتحصل الفندق علي يسارك
انا انصح وبشده هذا الفندق للعوائل

فديت خشمك والله طمنتي الصراحه
وجاري الحجز عليه
وتسلم

ان شالله بنسكن فيه شهر 7
عل فكرة مالك الفندق كويتي

السلام عليكم سؤال هذا الفندق يعني خلف اماري على طول لاني كنت اشوف فندق خلف اماري بس مااعرف اسمه حتى تشوف الفندق من الزجاج عند الفطور بس مستواه اقل من اماري صح يعني هذا فندق ماك برسنس او رويال بنجا و لا هو داخل شوي وهذا الفندق قريب من المترو .... شواحسن فندق omni تور او ماك بريسنس