نشر في فيينا

فندق Hotel Am Parkring ب فيينا نصايحكم يا أخوان

Arsenal-R7

30-08-2022 - 02:05 pm

السلام عليكم
بالفترة الماضية كنت ادور على فنادق ب فيينا ب تاريخ 26 سبتمبر لثلاث ليالي (شهر عسل)
والأسعار لاحظتها غالية والفنادق اغلبها محجوزة ..وكلمت اكثر من فندق وكان مبرر الزحمة أنه فيه كونجراس او احتفال في فيينا طبعاً فيه فنادق كثيرة متوفرة لكن اسعارها غالية مرة اتكلم عن الفنادق اللي في السنتر طبعاً .
لذلك حبيت أخذ رايكم في فندق Hotel Am Parkring
انا لاحظت في موقع بوكينج الكل يمدح موقعه لكن حبيت اسأل عن مستوى الفندق من الداخل والخارج وبالذات الأثاث ومستوى الغرف .
وعندي فندق ثاني موقعه في بداية شارع الماريا هلفر اسمه Small Luxury Hotel Das Tyrol لون بنايته برتقالي تقريباً اكيد اللي راح فيينا شافه ..كيف وضعه .
وياليت نصايحكم لو كان فيه فنادق تشوفنها ممتازة من ناحية السعر والموقع .

فنادق النمسا

التعليقات (9)

حدّي مصــر

30-08-2022 - 05:03 pm

حياك الله اخوي
شخصيا ماسكنت با الفندق وماعندي فكره عنه بس دخلت على الموقع المفضل الثاني لي في اختيار الفنادق وهو تريب ادفايزر وقريت تعليقات الزوار عنه هنا http://www.tripadvisor.com/Hotel_Review-g190454-d227180-Reviews-Hotel_Am_Parkring-Vienna.html وابشرك الاغلبية تمدح الفندق وكانت مرتاحه منه وتقدر تقرى جميع التعليقات
فيه فنادق في فينا اسعارها معقوله تقدر تشيكها مثل الانتركونتننتال و الراديسون ساس و اوروبا وفنق جرابين وتقدر تشوف صور الفندق في التقرير الرائع لاختنا احلام متناثرة على هذا الرابط هنا https://artravelers.com/p/re/229202
موفق ان شاء الله

Arsenal-R7

30-08-2022 - 06:04 pm

يعطيك ألف عافيه ..أخوي
لكن ماتلاحظ أنه ترتيبه في الادفايزر متأخر نوعاً ما ..ومثلك عارف شهر عسل ماودي بنكبه , احجز وامش صعبة شوي .
الشي الثاني الفنادق اللي قلت لي عليها أغلبها محجوزة والانتر بصراحة سعره غالي شوي .
والأهم اللي مصعب الموضوع أني لازم اتلاحق نفسي واحجز من الآن لفيينا بس, بسبب المؤتمر اللي عندهم مع ان الوقت بدري جداً على سبتمبر .

حدّي مصــر

30-08-2022 - 07:05 pm

و الله ياغالي اذا تبي تلعب على المضمون عشانك شهر عسل وتبي تحجز فندق محترم ومضمون انصحك ماتطلع من الفنادق هذي
الميرديان , الماريوت , الراديسون ساس , الانتركونتيننتال , هيلتون فينا , اوروبا , ان اش
نصيحتي لك اذا توهقت وكل الفنادق محجوزه ابدا المخطط با العكس من ميونخ وصولا لفينا عشان تحصل في باقي الفنادق
موفق ان شاءالله

Arsenal-R7

30-08-2022 - 08:06 pm

صادق والله .. وماقصرت على النصيحة .
بس بيني وبينك الفنادق أسعارها مرتفعة شوي في فيينا بس .. لما تتكلم عن سالزبورغ مثلاً نادراً ماتشوف فندق اكثر من 200 يورو في الليلة .
انا لو عندي رغبة بالفنادق اللي حطيتها او خلني أقول الفنادق المشهورة عالمياً ماكان ترددت ابداً لكن المشكلة ب اسعارها غالية صراحة .. الا فندق NH هل احجز فيه واتوكل على الله لأنه فيه Availabl وسعره مناسب .

حدّي مصــر

30-08-2022 - 09:07 pm

فيه فندقين ان اش في فينا الافضل بينهم هذا NH Wien وهذي تجارب الاعضاء في تريب ادفايزر هنا http://www.tripadvisor.com/Hotel_Review-g190454-d231972-Reviews-NH_Wien_Hotel-Vienna.html فيه بعض التعليقات مضاف لها صور تقدر تطلع عليها وتقرر
اكرر ومتاكد انك بتلاقي فرق,,,,,, ابدا بميونخ وانتهي بفينا وبتلاقي فرق با الاسعار
موفق ان شاء الله

Arsenal-R7

30-08-2022 - 10:08 pm

أنا أساساً كنت أتكلم عن هذا الفندق لأن موقعه على شارع 32 في الماريا هلفر يعني صاير تقريباً بداية الشارع بحيث أن ساحة الكتدرائية تكون قريبة شوي .
الشي الثاني أني فعلاً كنت ب غير التخطيط كله بسبب كونجراس فيينا لكن بالنسبة لي لو اضغط على نفسي بالسعر او الفندق في سبيل أني أبقى على تخطيطي وجدولي .. ف تقريباً ألغيت فكرة تغيير المخطط .
وانا معاك ان الأسعار راح تكون انسب في 8 اكتوبر مثلاً ..لكن والله ماودي تكون الرحلة الا كذا .
والآن أنا تقريباً مستقر على الفندق نفسه اللي حطيت عليه الاستفسار .

musk000

30-08-2022 - 11:09 pm

مساء الخير اخوي.. انا ادري الموضوع قديم شوي بس رحلتك لسه على سبتمبر..انا امس راجعة من فينا وجلسنا فيها اسبوع في فندق am parkring وكنا اخذين سويت غرفة وصالة رقمه 140 الفندق جميل جدا جدا والغرفة راقية وواسعة وشرحة ونظيفة..يعني ماكأنك في اوروبا على هالمساحة والموقع ولا احلى..انا انصح فيه بشدة لأننا الحمدلله انا وزوجي استمتعنا فيه..
انا ماجربت الغرف بس زوجي شافها ويقول واسعة وشرحه..احنا اخذنا السويت مع فطور لشخصين وانترنت تطلع الليلة ب1300 ريال تقريبا.. واتوقع الغرف بتطلع ارخص..احنا كان حجزنا من بوكنق وكل شي كان تمام..كان بودي انزل صور للسويت بس خسارة ماصورته بس الصور اللي في موقع الفندق نفس الواقع .. يعني في الاخير وبنصيحة مجربة احجز فيه وبالتوفيق

Arsenal-R7

31-08-2022 - 12:10 am

ماقصرتي اختي .. على هذا الرد الشافي والوافي .
انا في الحقيقة كنت منزل الإستفسار بطلب من أخوي لأنه شهر عسل وهو الآن هناك .
سكن في الميرديان ب فيينا ويمدحه كثيير ,, ماكان حاب يغامر وماكنت متوقع الفندق ممتاز للدرجة هذي لأني للتو انتبهت لردك ,, وعلى العموم خيرها في غيرها ان شاء الله .

نور بوظبي

31-08-2022 - 01:11 am

انا رجعت من فيننا من يومين وسكنا في الماريوت وهذا الفندق جدام فندقنا هم 3 فنادق على صف واحد يعني الترتيب ام باركينق يعني الفندق اللي اخترته وبعدين الماريوت وياليهم الرديسون ساس شكل الفندق من برع حلو بس ما شفته من داخل وموقعه ممتاز توكل على الله وان شاء الله تتوفقون فيه

فيينا المسافرون العرب

فندق Hotel Am Parkring ب فيينا نصايحكم يا أخوان