نزال
lموقعه ممتاز نزعا ما حيث يقع على شارع لوزان الشهير اللي عليه محطة القطار وفنادق عديدة مثل الورويك والرويال......
عن نفسي انا افضله عن الورويك ومع وجود سرير ثالث ما عتقد انها مشكله كبيرة حيث صغر حجم الغرف في جنيف بالذات شيء معهود ويمكن تفهمه
توكل على الله

ابوعزيز......ماأعتقد ان الفندق على شارع لوزان....
الفندق يطل مباشرة على جزء البحيرة من جهة جنيف القديمة. وعلى جسورها الحلوة...لكن موقعه مرة مرة مرة ممتاز لانه على مكان هادي ويطل على البحيرة وقريب من سوق رو دي غون....
الفندق بصراحة لايعلى عليه ومن اجمل المناطق ، ولهم موقع على الانترنت:
http://www.hotel-du-midi.ch/
والفندق اربع نجوم..وشوي شوي غالي..لكنه بفخامته...
عيبه الوحيد وقد مايكون عيب ان تحته محل كوفي ستار بوكس...مقر تجمع الخليجين...

aboaziz
صادق والله ومشكور اقوي على التنبيه انا خلطت كثير مع فندق ثاني قريب من الورويك
دو ميدي افضل 10 مرات من مالورويك بدون مبالغة
الموقع خطير
شوفه هو اللي فيه اللون البرتقالي على اليمين

وبالعكس أنا اعتبره ميزة ممتازة انه قريب من الستار بكس
بكيفهم الخليجين وش علي منهم أهم شيء عندي قهوة اليوم مع قليل من السكر وبدون حليب
اضرب لها مشوار من ديفون علشانها
ولعشاق
يوجدين فرعين آخرين للستاربكس على Rue du Mont-Blanc
والأخر على Cours de Rive

صادق ألف مرة والله ياابو عزيز ان ستار بوكس مايعلى عليها بالطعم بالرغم من عنصرية مالكها اليهودي...
لكن للأسف اصبح الفرع قهوة تجمع الشباب الخليجي ومقر المعاكسات بين الخليجيين..
حتى ان بعضهم يسنتر بالقهوة ومايطلع منها الا بعد ساعات وساعات..والمشكلة ان كراسي القهوة خارج المحل يعني الشباب مشرفين على اللي داخل واللي خارج بفندق دي ميدي وفندق امباسادور وكل من يمر على جسر البحيرة من هذيك الجهة... ومنهم الكثير من الوقاحة انه مايكفيه يناظر..الا ويسوي فيها تعليق بصوت عالي قدام العالم...

saudturki2000
الحمد لله الأشكال هذي ما لها وجود بعد شهر 8 :112:
هناك محاولات حثيثة لإلغاء الكرنفال لأنها للأسف هو مصدر جذب لهذه العينات
لي اكثر من 10 سنين ولله الحمد اتحاشى جنيف في اول اسبوعين من شهر 8
حتى لو العزيمة ببلاش

قهوه ستار بكس ياربي كرم النعمه مواص(يعني خفيفه
اللي يبي الكيف يروح دانكن ويدعي لي

كولا لايت
شكلك ماعمرك جربتيكوفي اوف ذا داي فيرونا
Coffee Of The Day Ferona
شيء خرافي
وأنا ما أسمح احد يقارن الستار بكس بدانكن
والعذر من صاحب الموضوع

ألف شكر لك يابو عزوز
وألف شكر لك يا saudturki2000 على تصحيح الموقع والشكر موصول لبوعزيز على تأكيد التصحيح والصوره إلي رحتني صراحه
بس سؤال بوعزيز إذا تكرمت..
الحجز مثل ما ذكرتلك سابقا من موقع booking.com ( تقدر تتأكد ) 6 ليالي غرفه جونيور سويت لشخصين (بس إحنا 3 أشخاص..!!) طلع سعره 2700 فرنك سويسري , السؤال : هل أطلب سرير إضافي للشخص الثالث بالتوصيات عند الحجز النهائي من الموقع..؟ أو أسافر ولما أوصل للفندق أطلب منهم سرير إضافي؟ وشلون أقدر أعرف مجمل السعر مع السرير الاضافي..؟
أدري غلبتك معاي وعسى الله يعينك علينا ويحتسبلك الاجر انشالله
وشكرا للجميع على المداخلات

ظلم وألف ظلم... مجرد التفكير بمقارنة الدنكن دونتز بستار بكس!!!!
هذا مثل اللي يقارن سيارة فيات بسيارة مرسيدس بنز!!!
ستار بكس وبس.
شكله نزال سافر ورجع واحنا للحين نتخاصم على القهوتين!!!