السلام عليكم
الفندق ثلاث نجوم وموقعه ماهو اوكيه في منطقة شوكيت بعيده شوي
من المناطق المرغوبه مثل البرجين و شارع العرب ومستوي الفندق جيد
وسعرها ماهو مره رخيص واشوف 11 ليله في هذي المنطقه مغامره وملل
ممكن تشيكون أسعار شقق سومرسيت اللي قريبه من شارع العرب والبرجين مو امبانج
مستواها ممتاز واسعارها معقوله و موقعها حلو وقريبه من كل شي
اسمها somerset seri bukit
وفيه شقق فيرلين في وسط شارع العرب مستواها حلو Bintang Fairlane Residences

ممكن سؤال؟
ليه بتجلسون 11 ليلة في مدينة واحدة؟ هل فيه سبب؟

صباح الخير أختي
السعر جذّاب بصراحة
وزي ما تفضّل العم أبو على
الشقق لا تقع في المنطقة الحيوية
لكنه بصراحة
3ريال لليلة الوحدة لشقة من 3 غرف
سعر مميز للغاية
وأقرب سوق له هو سوقو بلازا
المسجد قريب جدا من الشقق
والأهم طبعا من الكلام أعلاه
المواصلات
فأقرب محطّة مونوريل لكم تقريبا هي شوكيت
وهي تبعد مسافة 2.3 كلم
ومن خلالها تقدروا تطلعوا أي مكان في مكان
لكن السؤال وبما إنكم مجموعة
هل بإعتقادك أن المشي مسافة 2.3 كلم مع مجموعة كبيرة كحالكم سيكون مريحا ؟
ولهذا ما عندكم سوى خيارين
يا تأجير فان للعائلة لكامل المدّة
أو الإعتماد على التاكسي في كل صغيرة وكبيرة
ولو إفترضنا أنه وصلتوا لهذا الخيار
تأكدي أن سعر الشقة لن يصبح 333
بل 333 + رسوم التاكسي في كل مشوار
وهي بإعتقادي راح تكلفكم تقريبا وعلى حسب عددكم
من 150 و حتى 200 رنقت يوميا على الأقل
وإنتي إحسبيها طال عمرك
الشقق نظيفة وجديدة والنت فيها فري
من عيوبها
موقعها ( ليس بعده )
عدم وجوده بجانب محطة مونوريل
وفي النهاية القرار لك أختي الفاضلة
دمتي بود

Zazaza
الف شكر لك وبشيك عليهم حين وبشوف
وتمام اعطيتني شقق لان الفنادق رافضينها الاهل

احنا نفضل نستاجر شقه وتنرك اغراضنا فيها
وبتكون لنا جولات في ماليزيا ومثلك عارف عددنا 7 وكل شخص له اغراض
فصعب نتنقل فيها بناءةعلى هالشي نتركها بالفندق ونتنقل براحتنا خفيفين

اخ ماجد هذا الي كنت ابي اعرفه
موقع الفندق وبعده عن شارع عرب لانه هو هدفنا
وهو شريان ماليزيا
شكرا كثير لك واتمنى انت او اي احد له خبرة في ماليزيا والمناطق الي نقدر نطلع لها
يوم او يومين وتكون مناطق تناسبنا وتكون فيها برضو شقق فندقيه
لان اهلي رافضين نظام كل مجموعه بغرفة منفصله محد يدري عن الثاني

remalof
أخي أنتم شكلكم فاهمين ماليزيا غلط !!
فكرة أنكم تستأجرون شقة وتروحون وترجعون لها غير واردة لأن ماليزيا كبيرة وبين المدن مسافات بالطيران (مثل لنكاوي) أو 4 ساعات بالباص مثل بينانج وكاميرون هايلاند وأنتم عندكم 11 ليلة كيف راح تروحون وترجع إذا بتقيمون في شقة واحدة في كوالالمبور العاصمة ؟!
إذا ماتحبون التنقلات الكثيرة على الأقل روحوا مدينة ثانية مع كوالا غير كذا حرام تخسرون تذاكر بذاك الكلام
أقترح تخلون 4 أيام في بينانج و3 في كاميرون هايلاند علشان تقولون إسمكم شفتوا ماليزيا أما كوالا فهي مديمنة أسواق مثلها مثل الرياض أو جدة وجوها حر ورطوبة
هذي نصيحة لوجه الله أرجو أن تتقبلها

ازيد على كلام حبيبنا ابو انس ( المغادرون )انه ممكن تتركون عفشكم الزايد بفندقكم بكوالامبور ( بعد الشتك اوت ) وتروحون الى مناطق ثانيه مثل ( لنكاوي )
ثم اذا رجعتم كوالالمبور ارجعوا اسكنوا بنفس فندقكم ( حجز جديد )
مدري وصلت الفكره او لا ..
من الشقق الحلوه والرخيصه بنفس الوقت ..
عندكم على سبيل المثال شقق سوكاسا
عيبها البعد شوي عن منطقه البرجين وشارع العرب ... بس انا خابر الفندق عندهم مواصلات مجانيه ...
ممكن تراسللونهم وتتأكدون من هالسالفه ..
ت