اللادفانس باريس الحديثه كما يقال وكلها مباني وعماير وشركات
بس منطقه نظيفه والسكن فيها ارخص من الشانز
لكن رأيي بما انها المره الاولى ان تسكن في الشانزليزيه احلى واونس
وترا اغلب فنادق باريس الغرف صغيره يعني لاتتفاجأ ابدا
ارشحلك فندق Le Belmontl موقعه ممتاز وسعره بحدود ماطلبت
صح الغرف صغيره شوي لكن الصراحه نظيف وتقدر تشوفه في تقريري بالتوقيع
سكنته عام 2009 وارتحت فيه
وطبعا الاهم وجوده بالقرب من محطة شارل ديقوال عند قوس النصر
التي يمر فيها الخط الاصفر رقم 1 وخط الRER الاحمر
بالتوفيق

فندق اختنا روز ماري كويس
وشوف هذا
https://artravelers.com
وكلام العضو اللي مجربه هنا
https://artravelers.com/p/re/541782

شكرا لكم لكن هل يوجد خيارات اخرى بفس السعر ام هذه الافضل

فيه خيارات كثيره يا غالي
انت اطلعت وشوف السعر الي تبي باليورو وابشر

لا لا لا
بليز لاتسكن في اللاديفانس
انا وزعت سكني مابين الشانز واللاديفانس
ومجردت وصلت اللاديفانس بغيت ابكي من الكآبة
منطقة كئيبة وبعيدة عن كل شي
اللي رايح يحس بطعم باريس لايطبها
وسوقها اقل من عادي
ندمنا انا وزوجي ندم
وربي اقولك الحين لو اسكن في الشانز 3 نجوم ارحم من اللاديفانس لو اربع او خمس نجوم
لاني رايح انبسط مو رايح ادور افخم سكن باقل سعر
اللي ينعذر بسكن اللاديفانس يمكن اللي معه عائلة كبيرة ومايقدر ابد ابد عالشانز
لكن الشانز يمكن تجد اسعار معقولة لشخصين
اذا لقيت شي بالشانز نظيف ومرتب لا تتردد
ومن مجرب اقولك سارع بالحجز من الان
كل يوم تتاخر كل مالاسعار ترتفع بشكل غريب ومجنون
فبدامك ناوي خلاص تسافر باذن الله
احجز من الان جحز قابل للاسترداد خلال هالاسبوع (يعني اذا كنسلته لظرف لاسمعح الله ترجع لك فلةسك كاملة)
صديقتي ماسمعت هالنصيحة وسفرتها قربت وندمت اشد الندم لان الاسعار كلها تغيرت مع اقتراب موسم الصيف

انا بحثت لك في موقع hoteloogle.com
حددت لك تاريخ من 1 جولاي ل6 جولاي
في الشانز
بحدود 250-300$
ولقيت هذول:
Hotel Chateaubriand Paris
Des Champs Elysees Hotel Paris
Best Western Premier Elysees Bassano
ملاحظة:
1-اغلب الفنادق المرتبة محجوزة فل فعشان كذا اقولك السرعة كويسة لان جولاي موسم زحمة
2-ماحطيت لك افضل الفنادق لان اغلبها فل او سعره اغلى من ميزانيتك
3-لو تقدر ترفع الميزانية 350$ بالليلة راح تلقى خيارات افضل وانسب

الف شكر لكم جميعاً