بما انك قلت الليدي فيرست
والجواب جاك من المان السكند
عزيزي فندق Kempinski كما وصف لي بأنه ممتاز جداً ... صحيح سعره غالي لكن حقه فيه ...

الغرف

ولمشاهدة الغرف تصوير بانورامي أدخل على هذا الرابط " http://www.kempinski-vierjahreszeiten.de/en/hotel/panorama.htm?id=panorama"
يقع في وسط البلد

طريقة الوصول للفندق من خارج المدينة

عندهم عروض أسعار وبتلقاها داخل الموقع
بالتوفيق اخوي

اخوي Hesham
لما اقول ليدي فيرست فهي احد الخطط الاستراتيجية من احد اعضاء حزب
الأحرار للستدراج الاعداء والمشاركة في الموضوع
وش رائك يا ابوسلطان بدء الهجوم

بنسبه لفندق Kempinski Hotel Vier Jahreszeiten انا دخلت على موقعه
قبل كذا و وجد سعر اقل غرفة ب 215 يورو
وانا محصل فندق مريديان الغرفة الديلكس 155 يورو
يعني الفرق 60 يورو فهل الفرق يستاهل ؟؟؟؟
وشكرا على مرورك

اخوي Hesham
ليش موضوعي راح لالتقارير المصورة ومكتبة صور خاصة بألمانيا و فرنسا
؟؟؟؟؟؟؟؟؟؟؟؟؟؟؟؟؟

حياك الله اخوي
والله عزيزي مادري هو يستاهل ولا لا .. بس لو مايستاهل ماكان فيه فرق ...
بالنسبة لموضوعك بالتقارير انت اللي حاطه الله يسلمك وموب انا ... لكن ولا يهمك راح نرجعه لقواعده سالم ولا عاد تنفخ ههه
حياك اخوي

السلام عليكم..
أخوي BBB
أنا أقول الصراحه فندق الميريديان روعه..
وهو بعد في وسط المدينه.. ويبعد عن شارع التسوق أو marienplatz حول5 إلى 7 دقايق مشي..
وثاني ميزه وهي الأحلى ..إنه يبعد عن محطة القطار الرئيسية الhauptbahnhof أقل من دقيقة مشي..
وبتلقى في المحطه مطاعم وسوبرماركت وخدمات.. وطبعا أحسن لك لانك لو تبي تطلع برع ميونخ تروح أي منطقه تكون عندك محطه القطار..
ولو كان عندك حد كبير في السن أو أطفال .. تقدر تروح شارع المشاه أو التسوق مثل ماذكرت.. عن طريق القطار النفقي underground ..
زبدة الكلام إنه الميريديان أحدث من الكيمبينسكي وأشرح منه..
ولو بروح هاذي السنه ميونخ ويعطوني الفندقين بنفس السعر صدقني أختار الميريديان..
مع تحياتي..
ماري

اخوي Hesham
يلومني فيك واللة لو لا ان يفهموني غلط كان كتبت فيك شعر
انا اقصد الفرق من ناحيت الموقع يستاهل هذا الفرق في السعر
اختي ماري
شكرا على مرورك الكريم واللة ان كلامك ريحني كثير وقربني من اتخاذ قراري
وشكرا لكم

السلام عليكم
اخويه اذا بعدك ماتخذت قرارك انا انصحك وبدون تردد باختيار المريديان ....
انا سكنت فيه الصيف الماضي واللي يقولك انه بعيد عن المدينه تراه غلطان ، كل شي عدالك ... المارين بلاز خمس دقايق من الفندق ... ال underground مقابل باب الفندق ... ومحطة القطارات مقابله للفندق .... يعني باختصار كل شي بتحصله قريب منك ... طبعا الخدمه ممتازه والغرف روعه ...

هلا يالغالي ..
حبيت افيدك بان المريديان ممتاز لكن مشكلته مثل ماقالوا لك .. ماهو ذاك القريب للمارين بلاتز .. مثل الهيلتون سيتي
او ماكس ايمانيول اوتيل ..
وبالنسبه للأسعار .. فترى الهيلتون سيتي بتحصل الغرفه فيه بحوالي 135 يورو ...
وفي ماكس ايمانويل اتويل بتحصل ب 80 يورو للغرفه العاديه وبحوالي 95 يورو للغرفه الدورين
وبصراحه اذا تبي سكن مريح وكذا .. فأطلع على هيلتون بارك .. بجانب الحديقه الانجليزيه مريح جداً وكشخه
وتحته في خيمه مصغره .. للعرب .. بس على فكره ماهو وسيع صدر ابد ..
لكن اذا تبي ساعة الصدر والراحه النفسيه بمعنى الكلمه واذا مطول في ميونخ .. فأسكن في ماكس امانويل ..
واذا تبي تشوف بو عرب بزياده .. فبتشوفهم في الهوليدي ان .. + الهيلتون ستي .. وعلى فكره الهيلتون سيتي
فيه خيمه عربيه كبيره على الشارع .. وفيها مأكولات عربيه ومشروبات عربيه ..
الله يعينك يالغالي

الغالي / hola
تسلم هذه الاضافه
وكرماً معلومات اكثر عن ماكس ايمانويل اتويل
وهل مناسب للعوائل ؟
وهذا السعر من اين حصلت عليه ؟ او احصل عليه بالصيف ؟
تحياتي لك