الفندق ممتاز بالنسبة لسعره 240 - 280 ريال تقريبا لليلة .. وأنا أعتبره أفضل فندق 4 نجوم في جدة ..
اذا عادي تدفع أكثر ففيه فنادق أفضل ..

شكرا لك اخي Temurun على تجاوبك
حاب اسئلك عن موقع الفندق و قربه من الاماكن السياحية
و ماهي الفنادق الأفضل منه
بعدين انا اتصلت على الفندق و اعطوني سعر 350 ريال

الفندق يقع في حي الكندرة وهو جديد ونظيف ولكن يعيبه ان لايوجد مواقف سيارات والمنطقة زحمة جدا لوجود سوق الذهب .

فندق حلو سكنه اول مافتح وكان ممتاز
بس المواقف هي المشكله

اذا عادي تدفع أكثر ففيه فنادق أفضل ..

امير الذوق شكرا لمداخلت الجيدة
zooox شكرا لك و ياليت تقولي متى افتتح الفندق
badr777 ماهي الفنادق الأفضل وشكرا لمرورك

الفندق جديد يادوب سنتين بالكثير .. وموقعه في الصحيفة بينه وبين الكندرة كوبري الستين بجوار أكبر مجمع للذهب في جدة .. ونفس مبنى الفندق فيه المركز العالمي للذهب ..
المهم الموقع مزدحم جدا من الساعة الخامسة الى الساعة العاشرة او الحادية عشرا ليلا .. بالنسبة لي سكنت فيه عدة مرات لأنه ماعندي مشكلة مع الزحمة دائما أخرج العصر وما أرجع الا آخر الليل ..
اذا ودك في فنادق أفضل فهناك طبعا جدة موفنبيك في المساعدية اذا سعره ماعدى 450 ريال لانه أكثر من كده ما يستاهل .. وفندق صن صت شارع الروضة اذا ماعدى 450 ريال برضه .. أقول لك هذا الكلام لأنه خلال المواسم ترتفع أسعارهم جدا ومايقبلوا أي تخفيض .. وبالتوفيق ..
عندك كمان الميريديان في طريق المدينة مجرب من كثير من الشباب في المنتدى وأثنوا عليه ..

أهلاً على فى جدة
بالنسبة للفندق ممتاز من الداخل مع صغر حجمه ، لكن المشكلة إن موقعه مزدحم وبعيد عن الأماكن السياحية فى جدة المزيد عن هذا الفندق على الرابط
http://www.mercure.com/mercure/fichehotel/gb/mer/5713/fiche_hotel.shtml
أنا أرشحلك فندقين ، أعتقد بيكون سعرهم قريب ، وأكيد موقعهم أفضل :
1- فندق الأزهر..وهو أربع نجوم ويقع على طريق المدينة النازل بالقرب من مسجد الجفالى ومنطقة البلد ، الموقع مميز ويمكن الوصول منه بسهولة إلى كل جدة ، الفندق قمت بزيارته حين افتتاحه من عامين تقريباً وكان نظيف ومرتب وأكبر حجماً من ميركيور جراند
المزيد على الرابط :
http://www.alazharhotel.com/index.php?action=aboutus&langid=1
2- فندق رمادا كونتيننتال : خمس نجوم ويتبع مجموعة رمادا العالمية ، وقد تم تحديثه منذ عامين تقريبا ، وموقعه ممتاز فى شارع فلسطين قرب تقاطعه مع طريق المدينة ، الفندق نظيف أكيد ومرتب ، المزيد على الرابط
http://www.ramada.com/Ramada/control/Booking/check_avail?areaCode=BPLX6&brandCode=RA&searchWithinMiles=25&areaType=1&destination=Jeddah&stateName=N/A&state=NA&countryName=Saudi%20Arabia&country=SA&checkInDate=01/21&numberAdults=1&numberRooms=1&checkOutDate=01/22&numberChildren=0&rateName=Best%20Avail&rate=000&variant=&id=16302&propBrandId=RA&force_nostay=false
شوف السعر اللى يناسبك وحياك الله فى جدة

انا برأي روح جده اوركيد لان السعر ارخص اتصل واسأل
وهو قريب جداً من هايبر الدانوب الدور العلوي مطاعم وافطار
وقريب من سوق حراء وغيره من الاماكن المجاوره
والمعلومات والصور تلاقيها هنا
والصور تلاقيها اعدت تنزيلها بالصفحات الاخيره
وخبرنا برأيك
فندق جده أوركيد https://artravelers.com/p/re/100933