إلحاقاً
ياليت تكون الفنادق المقترحة من فئة 4 نجوم.

هلا اخوي دون ،،، ترا انا ما نسيت موضوعك و اسمحلي على التأخير ...
بالنسبه للفندق فى فلورنسا أنا أرشح فندقين :
1- Grand Hotel Florence يطل على نهر أورنو
2- The Westin Excelsior كذلك على نهر أورنو و قريب من السوق
مادري عن باقي الأعضاء اذا عندهم اقتراحات اخرى ....

الله يعطيك العافية أختي بنت الصقور وماقصرتي لا أول ولاتالي الله يبيض وجهك.
الحقيقة أنا شيكت على الفندقين بالانترنت سواء موقع الفندق المباشرة أو وكالات الحجز للفنادق.
أقل سعر كان 450 يورو لليلة الواحدة في الوستن الظاهر.
إذا كان فيه فنادق أخرى ممكن توصين بها أنتي أو الأعضاء الكرام، ولا الشكوى لله أبحجز فيه بهالسعر.
شكراً جزيلا

اخوي عشان تسهل على نفسك و على اللى بيساعدك المهمه .. لو انك تحدد ايش تبي بالظبط ... مدري انت عندك فكره عن طبيعة فنادق المدن الايطاليه القديمة أو لا ... على سبيل المثال : يجيك فندق فى مبنى قديم جدا و شكله من برا لا يدل على انه فيه فندق بس تطلع للدور الرابع مثلا تلقى فندق من طابقين و عشرين غرفه ... يعني 90% من الفنادق على هالشاكله ... أنا مثلا ما احب كذا ، متعوده على فندق يعني فندق بالكامل لا بنص عماره ولا غيره .. عشان كذا رشحتلك هالفنادق اللى فوق ... و بعدين فلورنسا فيها أكثر من ساحه و عندك المناطق اللى على ضفة النهر ... يعني تحتار وين تجلس لازم تعرف وش تبي ... اذا تبي فنادق أو موتيلات و عادي عندك ممكن أرشحلك كم واحد ...

والله أنا حجزت في هالفندق وأخترته لموقعه ولأنه 4 نجوم وسعره حلو بس ترى ما أدري إذا أحد قد سكن فيه لأني أحب المغامرة
Hotel berchielli

santafe
عرفته يقع على النهر مباشره ... بس انتبه لا تاخذ الدور الأرضي عشان الازعاج ...

الاخت الكريمة بنت الصقور
والله شوفي كونه يكون فندق كامل أو يكون دورين فقط في مبنى قديم مايهم كثير بالنسبة لي .. أهم شي يكون مستواه أربع نجوم وفوق وسعره في حدود 200 يورو ، وموقعه يكون ممتاز وإذا كان فيه أكثر من ساحة والنهر فاختاري لي على ذوقك أحسن منطقة من وجهة نظرك وأكيد راح يعجبني ، وأكيد طبعاً ماودي يكون في منطقة مزعجة أو غير آمنة زي الدبلومات.
وتحملي كثرة طلباتي .. وشكراً.
santafe
الله يوفقك في رحلتك .. أنا حصلت الفندق الي قلته في حدود 190 يورو (رحلتي منتصف أكتوبر) .. ان شاء الله مايحطونك في الدور الأرضي,

مرحبا دون
بالنسبة لفلورنس حاول أن تكون زيارتك في غير أوقات المعارض التجارية . لأنه في أوقات المعارض أسعار
الغرف ترتفع بشكل كبير جدا يصل الى 200% !!! . أقترح عليك تكون أقامتك في أوتيلات قريبة من محطة
القطار والدومو . أجمالا المدنية صغيرة وملومة . أقترح عليك هذه الاوتيلات وهي ممتازة وهي أوتيل
سوفتيل و أوتيل سافوي لكن سعرة مرة غالي وأوتيل كالازولي هذه الاوتيلات قريبة لمحطة القطار
وللدومو وللنهر أيضا وفي قلب المدينة .
المدينة أذا كنت من هواة الفن ( نحت ورسم ) راح تعجبك غير كذى لاتجلس أكثر من يومين .
غريب ومسافر لحالي