صباح الخير جميعاً
شكلي كل يوم بانزل سؤال
بدون مقدمات ياجماعة أنا ماعمري رحت تايلند ولا عرف عنها شي
حجزت 3 ليالي في بوكيت على أساس في فندق تارا باتونغ بيتش
مدحوه لي من ناحية الموقع لآنه جريب من الشاطئ ومن المطاعم وكل شي
توكلت على الله وقلت باحجز فيه لآن بنت خالي جربته الليلة ب 35 دينار
بس مع تزايد الأسعار في الهاي سيزون قلت يمكن يوصل 45 أو 50 دينار بالكثير
المكتب صدمني أول شي عطاني الليلة ب 77 دينار وبلعتها مع إن الفندق 4 ستارز وعادي
اليوم مطرشين لي إيميل إن الليلة صارت 86 دينار وغصباً عني لازم يحسبون ولدي في سرير إضافي!!
شدعوة حتى الصنوي لاغون في ماليزيا اللي يعتبر من أفخم الفنادق ماوصل هالسعر
أبيكم ترشحون لي فنادق مجربة بنفس المنطقة تكون جريبة من كل شي خصوصاً المطاعم والباتونغ بيتش
فنادق تكون نظيفة وعدلة وتسوى وسعرها معقول غير الهوليدي إن لأني أتوقعه بيكون أغلى
ياعرب يامسافرون أبي فنادق مجربة وموثوقة مب بس فندق يمشي الحال والسلام أو بعيد ويبي له مشي