والله اختي اغلب الفنادق تشدد على سياسة السرير الاضافي .. خاصة في المواسم .. لو تاخذوت سويت افضل .. و الشقق اريحلكم لو العدد كبير
بالنسبة للشقق الي سالتي عنها هي في منطقة اللاديفانس .. ممتازة و عندك محطة ميترو قريبة جدا منك .. بينك و بين الشانز اقل من 10 دقايق بالميترو ..
المنطقة هادئة و جميلة و فيها اماكن ما تدخلها سيارات .. تنفع للمشي .. اغلبها عماير و شركات و فيها مول و حدائق
المول الي فيها اسمه الفصو لاالاربعة 4 temps فيه كل الي تبين ، و فيه سوبرماركت ..
توكلي على الله المنطقة ممتازة انا سكنت فيها العام ..

هالفندق ممتاز واطلالة على النهر ومجربة أكثر من مرة شقق نظيفة وموقع رهيب بجانب محطة مترو وخلفكم شقق أغلب ساكنيها عرب وفية سوبر ماركت عربي فية كل اللي تبونة من منتجات شرقية وخليجية .
اختيار موفق وأتمنى لكم سفرة سعيدة

الله يسعد قلوبكم ع سرعة تجاوبكم وردودكم ..
الحمدلله ريحتوني من ناحية الفندق ..
طيب .. بالنسبه للحجز . لو بنحجز عن طريق الفيزا
وصاحب الفيزا ماراح يسافر معانا .. يعني الحجز باسمه وهو مو موجود ..
عادي ولا فيها مشكله ولازم الحجز يكون بنفس اسم اللي راح يسافر ؟؟
مشكورين ماقصرتوا ..

عادة في مواقع الحجزوات يطلبون اسم حامل البطاقة ,, ما عندكم مشكله احجزوا و اذا وصلتو يتم دفع المبلغ كاش
بس انتبهوا لا يكون الحجز غير مسترجع و بكذا المبلغ بينخصم من الفيزا يوم الحجز .. يعني ادفعوا المبلغ لصاحب الفيزا و اذا وصلتوا ماحد بيسالكم عن الفيزا الا اذا سياسة الفندق تلزم بحجز مبلغ بسيط عالفيزا كتامين .. و بعض الفنادق تقبل تاخذ التامين كاش ..
انا انصح انه يكون عندكم فيزا .. ولو ما تحبون التعامل بالفيزا او ال credit عشان الفوائد .. ممكت تطلعوا ماستركارد مسبقة الدفع .. و انتوا اودعوا فيها المبلغ و استخدموها كانها بطاقة صراف الي .. بس لا تسحبون منها كاش لان رسومها عالية .. خلوها للدفع و الحجز فقط ...
لو انتوا في السعودية ممكن تستخرجوها من البنك الاهلي .. اسبوع و تجيكم بالبريد ..

معليش بعد اذن صاحب الموضوع يعني كم يجي سعر الغرفتين ل 3كبار وثلاث صغار
المشكله اني ما اعرف احجز عن طريق النت والمكاتب ما يوجد فيها شقق
اعطاني المكتب غرفه في الكونكورد لافيت 750 ريال وش رايكم

هذه حدود سعر الكونكورد