alabraq
اهلا تجوا بالسلامة بالحقيقة ما عندي اي فكرة عن هالأوتيل بس نصيحة سكون ببيروت أحسنلك وبعدين بتتجول بباقي المناطق عندك أوتيل Ny suites وكمان عندك سافوي رخيص ومنيح وبمنطقة راقية وسعروا رخيص ومطل
بالنسبة للسيارات مانعينا نحط أرقام بالمنتدى

انحش منه نصيحه اخوي ..،،
انا بهرتني صور الفندق بالنت ..وكنت بزيارة صديق بجل الديب وقلت امر عليه ياولد دخلته الله لايوريك الرسبشن بصوب وفيه نوع واحد من الغرف و الغرف الثانية في بناية ثانية ابعد من الرسبشن وفوق هذا الغرف دخلتها غبار ولا منظفة ولا سيرفس محترم ولا شي ...يعني لا تفكر تروح له
نصيحه وانت كيفك انا واحد داخله وكنا شباب بنشوفه بس

شكر ياعبير
وشكرا لك يازين والله انك صادق فندق سويت هوتيل معفن خدمه زفت مشكله رقم 1 التلفزيون خربان 2 السيفتي بوكس خربان 3 مفتاح باب الحمام خربان 4 خدمة الغرف تعبانه كلمتهم كم مره ولا حيات لمن تنادي
جلست عندهم ليلتين والله لا يوريكم مرضة نفسيا وكان سعر السويت 94 دولار وكنت حاجز عن طريق Booking Hotel
ودفعت لهم أكثر من نص المبلغ ويوم قلت لهم خلاص أبغى أطلع قالو لي راح ناخذ عليك ليله وبعد المناقشات الحاره وافقو على يخذون بس حقهم ليلتين جننوني لا أحد يقربه خرب علي سفرتي الله لا يفقم ولا بعد في جل الديب بعيد عن بيروت وعشان تروح بيروت الطريق زحمه
ولكن عوضني ربي لقيت فندق حلو مره على الكورنيش سعره 130 دولار غرفتين نوم ومطبخ وحمام وخدمه صح ونضيف مره وجديد توه فاتح أسمه Orient Queen Homes

alabraq
ههه شفت شلون ياليتك شايف ردي قبل لاتروح
وياسبحان الله هالفندق Orient Queen Homes قعدت فيه يومين وانت صادق حلو ..وترى للعلم يعني هو اعتماده على الاجارات الشهرية عرفت واختيارك بمحله حلوو وجديد الغرفة اللي كنت ماخذها اول من سكنها انا خلوني انطر علشان يشيلون الاكياس منها ..، وماشاء الله طاقم الرسبشين وجيه سمحه و اشكال طيبه وترى للعلم قريبة منك مطاعم الوجبات السريعه وهي مقابلة الجامعه الامريكية اللي على جنب الفندق ..واختيار موفق للفندق
وان شاء الله تكون مستانس في بيروت