ما انصح فيه ابدا
اولا الغرف ضيقة جدا ويادوب تلقى لك مكان تحط الشناط فيه وتفرش سجادتك تصلي
ثانيا الفندق يبعد حدود ربع ساعه مشي عن الشانز وما انصح با المشي با الليل لان المنطقة موحشة
طابق رجال الاعمال في الفندق الغرف جيده بس غاليه وتقدر تحصل فنادق قريبة من الشانز بنفس سعره وهذا عرض رائع اتمنى تحصلونه على اربع فنادق جميعها قريبة جدا واروعها الشاتو ,,, من الشانز هنا https://artravelers.com/p/re/265114
موفقين ان شاءالله

مانصحك فيه تراه 3 نجوم حسب تصنيف الاماراتيه والبديل
كاليفورنيا ، ورويك, الراديسون ساس ، كراون بلازا هذا جديد وكلهم قراب من الشانز

انا اشوف انه ممتاز لكن مشكلته بعده عن الشانز وهذا يحتاج لمدة ربع ساعه مشي اذا كنت من محبي الشانز
فيه مقهى في الدور الارضي حلو الجلسه فيه وكذلك مطعم حلو
في الادوار العلي كما اوضح حدي مصر فيه كوفي روعه خاصة في الليل تشاهد باريس من اعلى نقطة تقريبا والجلسه فيه رومنسيه بدرجه فوق وكذلك بجانبه وملحق به سوق تجاري ذو ماركات عالميه لكنه غويلي شوي
انا
انصحك اذا كنتي من محبي الشانز ان لا تسكني فيه
وابحثي عن فندق قريب من الشانز وانصحك بالبرنس دوقالد حلو واثري وكذكل الفوكيت الموجود فوق مقهى الفوكيت الشهر

انا كذلك انصحة فية وخصوصا طابق رجال الاعمال الغرفة حلوة وحجمها حلو
وبعدين التكاسي ليل ونهار عند باب الفندق لاتنقلين هم

كنت ساكنه فيه من زمان قبل افتتاح الماريوت عام 91وعام 93 وكله خليجين وحفالات المطربين دايم فيه اذكر حضرت حفله لنبيل شعيل فيه ايام زمان
والمجمع الي تحته فيه نيجيري مادري سوداني طرار كل سفرة اشوفه هناك مادري عاد لحد الحين موجود ولا تطور نشاطة

اوكي وهذا الفندق شو رايكم فيه
Hotel Napoleon Paris

ريمان دبي
ممتاز با القرب من قوس النصر ومن محطة المترو شارلز ديقول اللي يمر فيها قطار الرير
موفقين ان شاء الله

حدّي مصر
مشكور ،،،، بس قريب من الشانزلزيه ؟؟؟
نظيف ؟؟؟ مريح ؟؟؟
أدري وايد أسأل بس لأني أول مره اروح