وعليكم السلام
حيااك الله بتنور دار الحي
وبصراحه اختيار موفق لفندق شنغريلا
موقعه رائع في شارع الشيخ زايد
جميرا قريبه منك يعني الوايلد وادي قريب لاتحاتي ههه
ومول الامارات وابن بطوطه والمرسى بعد قريب
غرفه حلوه وواسعه ومريحه
سعره للاسف مب رخيص بس شوف لك من الوكالات السياحيه عندكم يمكن تلقى سعر حلو
واذا تبي اشيك لك من موقع الفندق بس حدد التواريخ
وشوف هالتقرير فيه صور للغرف
https://artravelers.com/p/re/83457
موفق بأذن الله
اختك
اليازي

موقعه على شارع الشيخ زايد..
و انا اشوفه متوسط بين كل المجمعات..
و بالنسبه للوايلد وادي اعتقد 10 دقائق الى ربع ساعه..
تحياتي

الفندق ممتاز وغرفه مريحه وهو من الفنادق التي أوصي بها

اخوي تيقا...هج
ترا الفندق لك عليه انا سكنت فيه في سبتمبر الماضي وما كان "تيقا" وطبعا السعر ما هوب رخيص عشان تقول على قد فلوسي
على العموم اذا مره مخربها،،، اسكن كمبنسكي ، قراند حياة، بارك حياة والفرق ما هو كبير بالسعر
وفيه فندقين جدد سمعت عنها هاليومين في الفيستيفال سيتي بس ما جربتهم لذلك ما اقدر افتيك

السلام عليكم
الشانغريلا موقعه ممتاز في شارع الشيخ زايد. سعره الحالي =1350درهم :112:
إذا تيغي فندق شوي أقل وممتاز عندك فندق قمر الدين في منطقة برج دبي وقريب من الشانغريلا. سعره=1075 مع الضريبة. اتوقع عندكم يمكن أرخص
جراند حياة سعره مش ثابت من 14-2 لغاية 22-2 = 1465
فندق فخم ورائع
فندق جروفنر هاوس قريب من الوايلد وادي ، يطل على مرسى دبي(المارينا) ،سعره 1850درهم
الكمبنسكي حالياً سعره مرتفع بحدود 2300درهم.
فندق جراند موف في شارع الرقة 4 نجوم =600درهم للغرفة الدبل
وحالياً فعاليات المهرجان قريبة من الفندق.
إذا تريد أسعار أرخص لبعض الفنادق... وبتلاحظ الأسعار شوي مختلفة كانت في شهر 12
https://artravelers.com/p/re/158875
.

اليازي-UAE ..
ناس كثير نصحوني فيه وانتي اكدت كلامهم والسعر مقدور عليه ان شاء الله وتوكلنا على الله..صور الفندق بصراحه تقول شيء كثير..والديار منوره بأهلها..شاكر لك
mzoon ..
اهم شيء اكدت لي على الوايلد وادي يعني شكلها كعابي..يعطيك العافيه..
الهلالي..
توصياتك مهمه لنا خصوص انها من مشرف قدير..شاكر لك..
al7keem ..
انت كذا تخليني اراجع حساباتي من جديد..طيب ممكن الاسباب الرئيسيه وملاحظاتك عليهم..شاكر لك..
بنوتة الامارات..
فندق جروفنر هاوس اغلى من الشنغريلا ويمدحون الشنغريلا حاليا في دبي..على العموم مشكوره على النصايح والظاهر ان الشنغريلا لا مفر منه...
مشكورين يا احلى منتدى لاعدمناكم..

الشنغريلا مرره حلو بس اذا هي خمس ايام غيرَ شوي واقسمها بينه وبين فندق المنزل في منطقه برج دبي لايفوتك قبل مايغلى زياده

لا الله يسلمك مو كعابي
ربع ساعه بالسياره
انت في شارع الشيخ زايد و الوايلد وادي في جميره