افضل فندق يناسبكم وانتو عايله وعيالكم صغار نوعا ما هو فندق امباسي سويت وهو تابع لهلتون
وهذا السايت ماله
AMBASSY SUITESHOTELS.COM
وهو عباره عن سويت يتكون من غرفتين وفيها صوفه تكون فراش للولدين وغرفه نوم منفصله للوالدين
وفيه فطور يوميا ولا اروع وسعره يختلف من منطقه الى اخرى وتقريبا سعر ه من 100 دولار وهو منتشر في كل امريكا

إختي كت كاتة:36_3_1:، أنا من عشاق الكت كات
أنصحج بهذا السايت لأنه فعلا إستفدت منه وكذلك غيري يشكرني لأني دليتهم
عليه. اللنك هو http://www.Hotels.com . سيطلب منج اسم المدينة، نوع الفندق،
اي درجة، السعر، المكان...الخ.
بالتوفيق.

ناصر كويتي
الله يعطيك العافيه اخوي ناصر
دخلت السايت الي قلت لي عنه وحصلت اكثر من واحد في واشنطن باسعار معقول
هل فيه واحد منهم سبق جربته شخصيا؟
لاني وربي احترت من كثرتهم
وهو قريب من التايسون؟
وهل واشنطن فيها شي يسوى تمشيه غير البيت الابيض والبنتجاون ومشابه؟؟
اعذرني على كثر الاسئله وشاكره ومقدره لك طيب الاستجابه

Um Yousef
ياهلا وغلا والله بأم يوسف
كلي فداك يابعدهم كليني لو حابه
ومقصرتي والله على السايت
اعطاني خيارات مره كثيره بس ياختي احترت
لانه المده كلها يومين ان شاء الله وودي بشي مجرب ومكانه حلو
مقصرتي يالغلا

السلام عليكم ورحمة الله وبركاته
منطقة Arlington في شمال فرجينا هي أفضل المناطق القريبة من واشنطن العاصمة وانا سكنت فيها مرتين في فندق ماريوت كورت يارد وهو فندق ممتاز ومحاط بكل شي تقريبا وعندك ايضا هذا الموقع اللي تستطيع من خلاله تلاقي افضل وارخص العروض http://www.priceline.com حتى انك تستطيع تكتب السعر المناسب لك والموقع يبحث لك وهذه الطريقة مجربة وكثير من السعوديين هنا في أمريكا جربو الموقع هذا وهو ايضا يقدم خدمات استئجار السيارات وايضا تذاكر الطيران وهو دليل اكثر من رائع لهذه الخدمات وشرطه الوحيد حتى تلاقي افضل الصفقات هو التسجيل بالبطاقة الائتمانية حتى لو كانت صادرة من بنك غير امريكي وانا جربت وسجلت ببطاقة البنك الاهلي التجاري الائتمانية (ماستر كارد) لانه يسحب المبلغ حال توفر العرض يعني لاتبدأ البحث بخدمة تحديد السعر الا وانت متاكد من الوقت والسعر اللي كاتبه والمنطقة المراد السكن فيها
هذا شرح موجز على عجالة فاذا اراد احد الاستزادة ممكن افصل اكثر في الموضوع

هذا شرح موجز على عجالة فاذا اراد احد الاستزادة ممكن افصل اكثر في الموضوع اخوي ممكن شرح اكثر احاول احجز بس يطلع حطي عنوانك بامريكا:112: اتوقع بس حق الناس الموجودين بامريكا بليز رد على انا انتظار ردك موعد السفر ان شاءالله 31/7 وماعندنا حجز والله

احجزي من الموقع الرسمي للفندق عندج فندق Tysons Corner Marriott مقابل المول و قريب من المطار ، أعتقد فيه خدمة الشتل من و الى المول و المطار ...

متأسف نسيت موضوع العنوان لكن هل جربتي تحطي اي عنوان حتى لو عشوائي
اذا نفع تمام واذا لا جربي هذه المواقع تراها جيدة
http://www.hotwire.com
وان شاء الله تفيدك

النمر السائح
كيف تحط أي عنوان عشوائي !!! اخي هل جربت هالأمر من قبل ؟؟ لأنه العنوان لازم يكون مطابق لعنوان الكريدت كارد ...