هلا اخوي الله يوفقك
منطقة السفاره اذا كنت تقصدها فهي في الماي فير (mayfair)
طبعا هي منطقه راقيه والفنادق اللي فيها غاليه جدا
انت وميزانيتك
اقل فندق سعره معقول ونظيف وخدماته كويسه في الفتره هذي راح تجده ب 100 باوند
وبإمكانك تدخل على موقع expedia.co.uk
او
hotelclub.com
الكلام يطول الحقيقه ولكن زي ماقلت لك هي تعتمد على ميزانيتك ولازم تحط في بالك هالشي قبل لاتدور فندق
اتمنى اني فدتك

يعطيك العافية اخوي المختلف
انا اشوف ال 100 باوند مناسبة جدا ..
ارجو اذا فيه فنادق بهالسعر في نفس منطقة الملحقية وتوصي بها ياليت تعطيني اساميها ..
الا اذا كان فيه منطقة افضل والوصول لها سهل بالاندرقروند او الباصات ..
طبعا انا راح اوصل هنا بداية شهر ثمانية ميلادي .. ومعي زوجتي وابني ..
شكراً :x1:

شف اخوي سديراوي العلم سلامتك مادام معك العايلة الكريمة ارشح لك هالفندقين عليهم على ما اظن عروض بشهر 8 واربع نجوم وقريبة من السفارة ومن المناطق الحيوية العربية
Sheraton Belgravia عليه عرض خصم 20% اذا سكنت اربع ليال سعره تقريبا ( ريال1450 لليلة )
Mandeville ادفع 3 والرابعة بلاش (950 ريال لليلة ) الناس تفضل هالفندق بحكم موقعه

شكرا جزيلا اخوي سكوت
انا حدي ليلتين ان شاء الله .. يعني ما راح استفيد من العروض .. اذا فيه فنادق بنفس المنطقة .. بحدود 100 باوند .. (750 ريال)
وشكرا ........

أخوي سديراوي
حياك الله وبياك وجعل الجنة مثوانا ومثواك
اسمع اخوي
اولاً ماتحتاج تروح للملحقية الثقافية
أفضل لك وهذا اقتراح
تذهب لديرتك بورتسمث وتعين من الله خير وتحدد عنوانك وتفتح حساب في البنك ( الله يعينك)
بعدين تتصل بالملحقية الثقافية وتقولهم انك وصلت وش يبغون معلومات
يعلمونك وترسلها لهم بالبريد وربنا ولك الحمد
واذا انت ملزم
الملحقية الثقافية موجودة في 29 Belgrave Square
وموقعهم على الانترنت هو http://www.uksacb.org/
الفنادق كثيرة واغلبها 3 نجوم
انصحك ما تحد نفسك بمنطقت الملحقية
ارض الله واسعة
والوصول الى الملحقية سهل جدا
واي معلومات حاضرين

الدكتور صالح
شكرا لك دكتور صالح ..
والله انه راي طيب اني اروح على طول لبورتسموث .. لكن انت تقول تفتح حساب (الله يعينك) .. هل فتح الحساب معقد لها الدرجة؟ او انه اسهل اذا رحت للملحقية وخلصت الاجراءات من عندهم؟
في حال اني رحت للملحقية .. ابي رايك طال عمرك في فندق زين ولا يتعدى ميزانيتي .. ويكون الوصول للمحلقية سهل ..
وجزاك الله خير على كلماتك الطيبة ودعواتك الصادقة ..

قبل اربع سنوات كان صعب واحتمال انه مازال ولكن
خذ معك كشف حسابك في السعودية او خطاب من البنك عن مدة فتح حسابك
بعدين اذا عزمت على بنك معين في بريطانيا ممكن الملحقية يعطونك خطاب ضمان مالي للبنك المحدد
ويمكن ان الامور الان متيسرة
على العموم
بما انه معك اولادك اذا كنت تبغى تمشى في لندن فممتاز خذلك يومين او ثلاثة في منطقة الاكسفورد او الاجوررود
اذا كان هدفك فقط انهاء الاوراق من الملحقية فاقترح انك تروح لديرتك احسن لك واولادك بعدين تتصل بالملحقية
اقترح عليك اخوي اذا انت مصر على البقاء في لندن انك تاخذ غرفة في كمبرلاند وتذهب للملحقية بالتكسي
لان العملية سهلات
وحياكم

الدكتور/صالح .. الف الف شكر لك ..