ادري رمضان والعالم مشغوله ولكن الله يجيب اهل موريشيوس على خير .. تأخرت في الحجز

الجزيرة مثل انت عارف صغيرة يعني اكبر من الرياض بشوي
مشكلتها الطرق مو ذاك الزود مع انها افضل من طرق جدة التي تحتضر
من هنا ولدت فكرة تنويع السكن بين الشرق والغرب
من الشرق فيه مناطق واماكن محددة تغطيها ونفس الشي بالنسبة للغرب
عموما اغرب اجل من الشرق من ناحية الشاطيء الأقل صخور ومن ناحية الغروب طبعا واخير اقرب لمنطقة البلاك فورست في الجنوب الغربي
في الشرق ارشح لك البيل مار ويفرق السعر معاك حسب نوع الوحدة اللي راح تحجزها لذا اترك لك الخيار حسب ميزانيتك
وفي الغرب وبكل تأكيد الشوقر بيتش الرائع وبالتحديد وحدات السوبروير القريبة من الشاطيء
ما اقدر اجزم انهم بحدود 300 دورلا والسبب اني متعود اخذهم مع باكج الطيران
حاول ان تقرأ تقريري وتشوف الأنشطة اللي موزعها حسب موقعها في الخريطة
تقارير العرسان الموجوة حاليا راح تعطيك فكرة اوضح
والف مبروك ياعريس

الف مبروك مقدماا_في الشرق لايفوتك بيل مار خطيررحنا له زيارة وتحسفنا انا ماسكنا فيه_اما الغرب الشوقربيتش والهيلتون سكنا فيه والله ماعليه حلو بس فيه افضل منه _وفيه في الجنوب الغربي براديس كمان رائع_والله يوفقك اخوي

aboaziz
حي الله مشرفنا المحبوب
البيل مار حجزت فيه بالباكيج ان شاء الله ولكن اضطريت آخذ معاه الهيلتون لان الشوقر بيتش طلعة الليلة علي ب 600 دولا
عالعموم الباكيج 4 ايام بيل مار + 4 ايام هيلتون + تذاكر عالامارات وكلهم هاف بورد لشخصين طلع بقيمة 22 الف ريال ما ادري اتوكل وادفعلهم ولا ممكن اجد فنادق احسن وبسعر احسن ... صراحه حجوزات مافيه والاسعار نار

h.a.sh
ياهلا فيك
للاسف مالقيت الا بالهلتون والشوقر بيتش غالي حسب ميزانيتي وقس على ذلك براديس، اصلا بيني وبينك غالب وقتي بيكون بالانشطه والتمشيات يعني نبي الفندق للنوم يعني راس مالها سرير وقماش نتغطى فيه ههه
بس البنت ما امون عليها وابي ابيض وجهي قدامها بعدين لاطاحت الميانه خربناها
بس حبيت اعرف وش تعليقك على الهلتون وش محاسنه مساوئه اذا فيه نصايح خاصه بالفندق عطني خبر
شكرا

اللي عنده فنادق حاب يمدح فيها او يذم فيها يعطينا خبر وياليت مع سعر الليلة

alprince7777
اموركم جدا ممتازة كذا توكل على الله وبدون اي تردد

مرحباا انا اخذت باكج من عندهم ورحلتي بعد شهر
طبعا هني موون والشباب بالمنتدى ما قصروا سئلتهم واجابوني الله يعطيهم العافية
برنامج سفرتي إنشاء الله
موريشيوس 8 ايام ودبي 3 ايام
5 ايام بمنتجع بيلي مار بالشرق عرض هني مون
3 ايام بمنتجع ذا قراند بالغرب عرض هني مون
The Grand Mauritian, a Luxury Collection Resort & Spa
وهذا موقعة
http://www.thegrandmauritian.com/
كلهم هاف بوورد
3 ايام في فندق المنزل بدبي
وايضا لا ننسى جميع التنقلات في موريشيوس
ب 26 الف
يمكن تستفيد من برنامجي
وشكرا

lojol
الشكر لك يالغالي ماقصرت عرض ممتاز ماشاء الله ما اعرف عن فندق الجراند شي، والله يهنيكم ويوفقكم وتنبسطون ، انا باقيلي احجز فندق يومين في دبي واشوف المجموع يسلمو