فندق النتر على نهر الماين
واقرب الفندق عنده Savoy Hotel و Hotel Wiesbaden على شارع Baseler Str
تحياتى

1. الفندق انصح فيه وبقوه للبيزنس وللسياحه

اخوي الغالي ماجد
انا جربت فندقين في فرانكفورت وكل واحد فيهم في منطقه مختلفه .. وعندي صور شخصيه لكل الفندقين
الأول فندق ميريديان بارك .. وهذا بجمب محطة القطار الرئيسيه ملا صق بالجدار لفندق سافوي ..
ففندق الميريديان منطقته كئيبه جدا وممله والفندق عباره عن مبنيين .. مبني كلاسيكي ومبنى حديث
المبنى الكلاسيكي خياس وسكنت فيه من دون مادري عن الحديث " المودرن " الكلاسيكي سبق ان سكن فيه نجم هوليود ايام الخمسينات همفري بوقارت بطل فيلم كازابلانكا الشهير جدا .. عشان كذا عندهم في الفندق كافي وبار كازبلانكا تخليد ووفاء لهمفري بوقارت
الفندق لا أنصح فيه اطلاقا . كئيب وقديم ولايقابل ماتدفع فيه . الغريب فيه هاالفندق موجوده عندهم القناة السعوديه الاولى
صور الانترنت لهذا الفندق تخدع جدا وتظهره احسن الف مرره من وضعه الحالي حتى في موقع الميريديان نفسه
الثاني : فندق Nh Hotel اربع نجوم - الفندق في قلب منطقة التسوق يبعد عن شارع الزايل اهم شارع للتسوق والتمشي حدود 50 متر الفندق راائع جدا وخدمتهم وترحيبهم جدا حار .. المبنى حديث ويفتح النفس .. وسعرهم يستحق ماتدفع فيه .. الجرائد العربيه متوفره بكميات كبيره في لوبي الفندق تقدر تاخذ اربع نسخ معك لغرفتك او برا .. فطورهم رائع جدا والمطعم جوه جميل ... الغريب عندهم في المطعم لوحه كبيره ومكتوب فيها بالعربي والانجليزي والالماني فطور عربي .. وراح تحصل شغلنا يعني فول وحمص بمثل الصحون البنيه المعروفه وتحصل زيتون وشغلات متعودين عليها
صور الفندق في الانترنت . تظهره بشكل اضعف من مستواه الرائع .. الفندق على الطبيعه اجمل بكثير من صور النت

الفندق انصح فيه وبقوه للبيزنس وللسياحه

اذا اردت التميز جدا عندك فندق فرانكفورتر هوف .. موقعه استراتيجي قريب نوعا ما من منطقة التسوق.. وامااه مباشره محطة مترو وستاربكس ، سعره غالي لكنه رمز من رموز فرانكفورت سبق ان سكنت فيه مارلين مونرو فتره طويله
بالتوفيق اخوي الغالي ورحله سعيده

السلام عليكم
الله يجزاكم خير ,,
مشكورين على المساعده ,,
وان شاء الله نفزع لكم ,,
مشكورين
جارى الاتصال والحجز ,,,
دمتم بود