n3na3h
27-10-2022 - 05:02 am
السلآم عليكم ..
يالله حيّ أهل قطر :tongue: اخباركم وأخبآر الصيف معكم ..
آلحمد لله بعد مآطلعت النتايج والكل نآجح ومبسوط
قررنا قبل كم يوم نزور قطر ع الأسبوع الجآي
وتحمّلت أنا مسئوليه تضبيط الجدول من سكن ومطآعم ومنتزهات
وأنا عآرفه مآلي غيركم .. :$ ومحد بيساعدني ويضبّط وضعي بعد آلله آلآ أنتم :$
حبيّت اسئل عن فنآدق حلوه
وآلآ شقق فندقيه .. وشاليهات ودّي اعرف اذا فيه شاليهات عندكم غير
والأسواق عندكم
وأبي مطآعم ومنتزهات او ملآهي ..
واشياء تنفع للكبار والأطفآل لأن العائله منوّعه ماشاء الله علينا
ويعطيكم ربيّ ألف عافيه
هذا الرابط بفيدك بخصوص السكن
https://artravelers.com/p/re/178232
وهذا بفيدك عن اجمل المناطق والاسواق
https://artravelers.com/p/re/283370
وهذا بفيدك عن بعض احلى مطاعم منوعة في قطر
https://artravelers.com/p/re/235965
وبخصوص الاسواق ...
طبعا شكلك عارفة سوق واقف تماما يعني ماله داعي اقولك عنه
والستي سنتر بعد ..
يبقى انصحك بفيلاجيو رائع جدا والمول واللاند مارك وحياة بلازا والرويال بلازا
والاسواق الشعبية اذا ودكم في سوق الجبر وحوالينه
طبعا في بعد الصالون الازرق مجمع صغير وفي كذلك السلام بلازا
يعني حددي شنو ودك تتسوقين منها وابشري بسعدك
انصحكم طبعا تزورون المتحف الاسلامي روعة
وانصحك تمرون فندق منتجع فريق شرق
وعندك بعد الكورنيش تركوب المراكب اللي تطوف فيكم الكورنيش بالليل او النهار حلوة
طبعا في الان مهرجان وفعاليات ترفيه ومعرض واسعار حلوة جدا
تفضلي هذا الرابط
https://artravelers.com/p/re/297640
واي استفسار اكثر ابشري به