- السلام عليكم يا اخواني و خواتي اعضاء المنتدى
السلام عليكم يا اخواني و خواتي اعضاء المنتدى
سويت موضوع يديد لان اخوي ابو عزيز اكيد مشغول في الويك اند و ما رد علي و لين مايفضى ادري انكم ما بتقصرون وياي ...........صح و الا انا غلطانة
اسمحولي بتعبكم وياي بس الصراحة استفدت وايد من المنتدى و التقارير في اعداد و جمع تقارير عن سويسرا معشوقة الجماهير و سيكون زيارتي لها مع زوجي بتاريخ 11/8 لين 20 / 8 بس لين الحين ما حصلت حجز للفنادق و محتارة حجزت امس فندق ناش فيلا بس اخوي ابو عزيز نصحني اغيره و فعلا كنسلت الحجزبس لين الحين ما طايعين ايردون علي :112:عشان فلوسي
المهم رحلتنا كا لتالي بعد نصيحة اخوي ابو عزيز موسوعة المنتدى و باجي الاعضاء بالاتي
جنيف ليلة و نريح فيها
بعدين انترلاكن 5 ليالي
بعدين جنيف 3 ليالي
و تاريخ 20 هب محسوب لان طيارتنا الصبح
نرجع للفنادق و بليز ساعدوني حسب ميزانيتي انا و ريلي هذا بالنسبة لجنيف و بعدين بحط موضوع ثاني عن فنادق انترلاكن
بس هالله هالله ساعدوني هب ادشون و اتفرون عيونكم اشوي و اتسون باك يعنى افيدوني بخبرتكم و الله في ميزان حسناتكم و بدعيلكم في رمضان خ
انتطر التعليق بالتفصيل الممل
بعد البحث والتحري حصلت ها الفنادق اللي اتناسب ميزانيتنا في جنيف
لمدة 3 ليالي و قوللي شو رايك في كل فندق وشو اللي يناسبنا انا و زوجي و طبعا الفنادق كلها فئات ال* * * نجوم
السعر بالدرهم الاماراتي
NH Rex سعره ل 3 ليالي ب 1660.84درهم بدون الافطار
Hotel Cornavin Geneva سعره 1650.46 درهم بدون الافطار
Hotel Moderne سعره 1297.53 مع االافطار
Hotel Astoria سعره 1868.44 مع االافطار
My Suite Gaillard Geneva سعره 1094.66 درهم بدون الافطار
ياللا قولولي اي واحد احسن و شو الجريب
ارجع و ارشح لك فندق هوليدي ان تواريه بلا منازع رخيص ونظيف ورائع ومواقف مجانيه وراح تدعون لي باذن الله
هذا السايت حق الفندق
هوليدي ان تواريه http://www.ichotelsgroup.com/h/d/hi/1/en/hotel/thyfr;jsessionid=3CMMSSUGPSXM2CTGWAJSJ0QKM0YBIIY4?_requestid=377781
وهذي احداثية الفندق كمان
n 46 14.181
e 6 0.525
بعد ماشفت النافيقتور يقول انه يبعد عن وسط جنيف 11 كيلو بالضبط
واشترو قارمن من ديرتكم واحفظو الاحداثيات للفنادق والاماكن السياحية قبل تسافرون مهم جدا تختصر عليكم شي كثير