ليس لدي علم إذا الفنادق توفر رحلات للأماكن السياحية برا انترلاكن خصوصاً للمنفيلد
سبق لي سكنا في انترلاكن وتنقلت ب القطار من انترلاكن ل قرية هايدي ..
طبعاً الرحلة ب القطار كانت طويلة توفقنا في بيرن وزيورخ
كانت تنقلاتنا ب السويس باس ..
أيضاً ذهبنا ل البحيرة الزرقاء ب القطار سهل جداً التنقل ب القطار ...
ولكن أنصحك بأن تستأجر سيارة لا أريد أن أكرر أبداً القطار كفاية مرتين ...
بخصوص تحجز من جنيف ل انترلاكن
نحن كنا أول ما نوصل مثلا جنيف ناخد سويس باس من محطة القطار الي في جنيف
وكنا نطلع ب القطار دون حجز مسبق
وفي رحلة مباشرة ل انترلاكن من جنيف بس التوقف في بيرن للتبديل
أذكر التبديل شوي صعب من ناحية الوقت فقط لأنك تشل الشنط
وتتوجه مسرعاً للقطار الأخر

ام عبود مشكوره ماقصرتي ,, انا ودي اخذ سياره بس ريلي رافض هالفكره...
وانا اعرف حق القطارات بس اخاف قطارات سويسرا صعبه

ممكن تشرحين تبديل القطار من جنيف لزيورخ
في بيرن

ب العكس أختي missuk دامج تعرفين للقطارات راح تتعاملين
مع قطارات سويسرا بسهولة جداً ...
حاولي تقرين كثير في دليل سويسرا الأخ بو عزيز والأخت سويس هايدي مش مقصرين
في توضيح استخدام القطارات وبطاقات الخصم الخاصة فيها ..

armania.777
أختي هذا الموضوع وايد راح يفيدج من الأخت سويس هايدي
شرح مبسط لقطارات سويسرا https://artravelers.com/p/re/248132
====
وأنا دخلت على الموقوع وسويت لج مسار الرحلة
على هذا الرابط http://fahrplan.sbb.ch/bin/query.exe/en?seqnr=1&ident=2h.019824206.1306994757&OK
اخترت الرحلة في الخيار الأول
مثلا المغادرة من جنيف على الساعة 9:10 والوصول لانترلاكن 11:57
التوقف للتغير مرة واحد في بيرن على الساعة 10:56 والمغادرة لانترلاكن على 11:04
طبعاً محددين أرقام Platform الي هو الرصيف الي يوقف فيه القطار
من جنيف ل بيرن رقم 6 وتوصلون على Platform رقم 8
تغيرون للرصيف رقم 5 وتوصلون في انترلاكن على الرصيف رقم 5 كذلك

MissUK
سوي نفس ما سوينا .. كنا نفسج متخوفين من السياره .. بس واحنا في انترلاكن رحنا لمكتب افيس Avis فس السنتر تمشين مشي شويه .. وكان الموظف هناك سمح والله
وقلناله نبي نأجر السياره بس هذي اول مره واحتمال ما يعجبنا الوضع ونردها ..
قال عادي اجروها لمدة اسبوع .. وتقدرون تنقصون المده او تزيدونها كل شي له حسابه .. حتى لو رديتوها بعد ساعه .. بس ينخصم منكم اجار يوم .. وتقدرون تردونها لأي مكتب افيس في سويسرا
بس المشكله في القارمن ما يكون متوفر على طول .. اخذي وياج قارمن وحجزي لو مدة 3 ايام ولفو فيها شوي شوي
اذا تقبلها زوجج كملو .. واذا ما ارتاح ردوها
وكان الله غفور رحيم ..
واستخيري .. والله بيكتب لج الخير ان شاءالله

ام عبود مشكوره وانا قريت وايد بس السويس ليلحين مافهمته كلش مادري ليش!!!
وانا بروح جنيف وبروح رحلات من شركه سياحيه واتوقع ماراح يفيدني السويس صح!!
جي بروق واللع انا حيل ودي بالسياره وريلي يعرف حق القارمن بس مسكرها من كل صوب يقولي ماكو سياره
واصلا السياره اوفر واحسن ونرتاح بروحنا بس اهوا كلش ماكو فايده ،، ومشكوره حبيبتي*

مس حاولي تقنيعين زوجج بالسياره نص السفره متعه لاايصعبها ترا اسهل من القطار واحلى خصوصيه ماتبي شي
عزمو بس انتم والأحداثيات بسيطه تطلع