وعليكم السلام ورحمة الله وبركاته
هلا اختي
في ابوظبي طبعا اذا حابه فندق روعه مالكم الا قصر الامارات هذا الاختيار الاول بلامنازع

شورايج في المرديان ..دخلت موقعه بس ماعرفت لو يقدم هالخدمات؟؟
.
.
و شو رايج في الفندق اللي فوق سكاي دبي ؟؟
.
.
وتسلمين على الرد يزوي

اعتقد كل الفنادق تقدم هذه الخدمات لكن على حسب الطلب..
الافضل تتصلين عليهم وتكلمينهم مباشرة واكيد بيفيدونك...
وكل عام وانتم بخير

شورايج في المرديان ..دخلت موقعه بس ماعرفت لو يقدم هالخدمات؟؟
مريديان ابوظبي عادي جدا
وهالسوالف لازم تكلمينهم عشانها مابتلقينها في الموقع ( التحضيبر لمناسبه خاصه )
.
.
و شو رايج في الفندق اللي فوق سكاي دبي ؟؟
تقصدين فندق الكمبنسكي روعه وراقي بس غالي شوي
اتصلي عليهم وكلميهم وشوفي
.
.
وتسلمين على الرد يزوي
افاا عليج يالغلا نحن في الخدمه

دلع حمد
في اثنين مريديان بأبوظبي ميريديان بيتش والرويال مريديان ؟؟؟؟
انصحك مثل ما قالت الاخت اليازي قصر الامارات بأبوظبي او شوفي لج فنادق دبي وبالأخص فنادق منطقة جميرا عندك كمبنسكي ميناء السلام وفندق القصر وجروفنر هاوس . وبالتوفيق واذا ودك تخربينها روحي برج العرب هذا الفندق اللي ما عليه كلام

يزوي
تسلمين على التجاوب
واعتقد بقرر على فندق الكمبنسكي شفته روعه وكل شي قريب منه
بس يارب يارب على ذاك اليوم يخفن البنات اللي فيه خ
مافيني حرقة قلب ابا استانس ههه
سايح في البلاد
تسلم على المرور ..واكيد بتصل بس اول شي اقرر على فندق
مهندس قطري
ههه ضحكتني ولله
وام بستفسر عن الفنادق اللي ذكرتها بس احتمال كبير اقرر على الكمبنسكي
و
تسلمون على الردوود

السلام عليكم
قصر الإمارات آخر دلع .... وبدون ماتقوليلهم عندكم مناسبة ...أول ماتدخلون يقدمولكم باقة ورد (للنساء فقط) الريال بس يدفع
من غير تقديم العصاير فالغرفة ولجو الرومانسي ... يعني على كل ماتطلعون من الغرفة وترجعون بتشوفون شي يديد فيها .
وأكيد فنادق مدينة جميرا (ميناء السلام+ القصر) بس سعرهم حالياً مرتفع 3 فنادق يربط امبينهم نهر صناعي.. وتتنقلون بالعبرة امبين المطاعم والفندق والسوق
صور للفنادق المذكورة فالرابط
https://artravelers.com/p/re/122110
وإذا قدرت بحاول انزل تقرير عن زيارتنا لقصر الإمارات
واكيد برج العرب بس سعره كثير مرتفع
وإذا تريدين فندق بسعر معقول 800 او 900 هذا سعر المكتب من الفندق مباشره 1300درهم
قمر الدين
وفندق المنزل
والله يسعدكم إِن شاء الله

بنوتة الامارات تسلمين على الاضافه المفيده
غيرت رايي عن الكمبنسكي
لانه وقت خاص ومااريد اسواق واحتك باللوبي والزحمه
وانا وحده اخر همي الاسواق ..يهمني الجو وهدوء المكان
وذكرى زواجي على شهر 7 يعني حر موت
لذلك قررت احتفل في هذي الفتره المنعشه خ
وافاجأه بهذي الهديه قبل اوانها
فشو رايج بمنتجع ؟؟؟؟
بوظبي او دبي
شاليه ع البحر او في الصحرا ..بس بحدود ال2000 لليله الوحده

أنا كنت قاعد أجهز حق نفس المناسبة
وكنت أشوف أكثر من اختيار في أكثر من مدينة
بس مهم عندي انه يكون على البحر
بصراحة مالقيت شي يملي العين
واذا في شي بيكون وايد غالي
مرة رحت برج العرب، وطلبت منهم يحطون ورد بطريقة معينة على السرير
خذوا مني 500 درهم ، مع ان الورد اللي حطوه مايكلف حتى 50 درهم (لو سويتها بنفسي كان احسن)
ومرة رحت فندق القصر اللي في قرية جميرا
وقلتلهم اني احتفل بذكرى زواجي
كل اللي سوولي اياه انهم جابولنا شوية حلويات وبطاقة تهنئة
المكان حلو ورومانسي بس كان حر (شهر 7)
وسكنت بعد في مريديان الميناء السياحي
عجبتني عندهم الحديقة اللي ورا الفندق
فيها وايد شغلات
بس الفندق شوي قديم
اما اذا مستعدة تدفعين في حركات حلوة يسوونها
في فندق ابراج الإمارات عندهم حركة يسوونها في البانيو
يترسونه ماي
ويحطون فيه ورد وشغلات ثانية (رغوة وهالسوالف)
وحواليه شموع
بس مادري اذا باقي الفنادق يسوونها بعد
الميزة في برج العرب ان عندهم جاكوزي في كل الغرف
فإذا بيسوون نفس هالحركة بتكون وايد احلى عن ابراج الإمارات
بس انا طلبت من برج العرب يحطون شموع
قالولي مايصير
يخافون نحرقلهم الغرفة
وانا قاعد ادور في النت
لقيت منتجع في البحرين اسمه العرين
يسوي حركات حلوة
هو عبارة عن شاليهات
ممكن يسوون باربكيو خاص في الشاليه
او يسوي قعدة برع الشاليه، وعشا لشخصين على الأرض وحواليهم شموع
بس ما اعرف اذا في فندق في الإمارات يسوي مثل هالحركات
بس اعتقد رويال ميراج ممكن يكون عنده
ويمكن منتجع المها الصحراوي
لأن منتجع المها فيه بركة سباحة خاصة لكل شاليه
بس غالي (أكثر من 3000 في الليلة)
نصيحتي لج انج تراسلين بعض الفنادق وتسألينهم
وايد بيفيدونج وبيعطونج افكار
اما بالنسبة للخصوصية
ما اتوقع يكون في خصوصية 100%
الا اذا كانت الترتيبات داخل الغرفة بس