Swissotel Zurich
هذا الفندق اللي سكنته ..... صراحة الفندق نظيف ... حلو ... كل شي فيه متطور .. الفطور الصبح شي خيالي ... فنادق خمس نجوم ما تقدر على فطور هذا الفندق .... بتذكرون كلامي
الفندق مكيف مركزي .... تقدرون تتحكمون بالتكييف مب مثل الفنادق الثانيه اللي تذبحكم من الحر
خذت الليله ب 390 درهم اماراتي مع الفطور .......... رخيص جدا
تدرون ليش ؟؟؟؟
لأنه شوي بعيد عن وسط زيورخ ... بالترام 15 دقيقه ... الترام يوقف على وجهكم اول ما تطلعون من الفندق ... وكذلك محطة قطار اورليكون .... ولو بتاخذون القطار بتوصلون في 7 دقايق بس
مقابل باب الفندق مركز تسوق صغير لكن فيه مطعم حلو ... و سوبرماركت ومحلات نسائيه ... المنطقه لا تفكرونها مب حلوه ...بالعكس كل شي متوفر فيها ... مطاعم بيتزا ... جمعيات ... اسواق ... كافيه ستاربكس موجود في الفندق تطمنوا ..... المنطقه عيبها انها بعيده عن باهانهوف ..... بس فطور الفندق يعوض عن كل شي
والسكن في البهانهوف مع التكييف لن يقل عن 1700درهم

Hotel Eden au Lac Zurich
من الفنادق المطلة على البحيرة .. لأصحاب الميزانيات الكبيرة ....

Savoy Baur En Ville hotel
هذا الفندق صراحة موقعه استراتيجي .... حلو ... عجبني .......في احد ممرات شارع الباهانهوف ... و مكان لا يعلى عليه ....لكن يريد له حد يدفع ....
بس حسب معلوماتي الغرف مب مكيفه ...... يعني ما تصلح حق اخونا خليجي 17
بقولكم ملاحظة ... لا تتوقعون انه الفندق يوم تشوفون صور للغرف فيه ... بتلقونها نفس الواقع ... لأن عادة هم يصورون الأجنحه ... و يوضحون احسن شي عندهم ....

Central Plaza Hotel
الموقع جيد ... اطلاله على النهر ... و مكيف
أنا سكنت في الفندق وموقعه ممتاز وقريب من النهر ومقابل لأكبر محطة القطار ويقع في وسط زيورخ
منطقه حيه وأنواع الكوفي شوب حولك وحوليك والبيتزهت مقابلتك بعد
وأويد الأخت سفريات على الفندق وكمان فيه وأحد تونسي في الاستقبال ممكن يساعدكم في أقامتكم في زيوخ
وبكل أستفساراتكم

هلا بالاخت سفريات
فية فندق أسمة أتلانتك شيراتون وهو بعيد عن البانهوف تقريبا 10 دقائق وغرفه واسعة وهو 4 نجوم
من كم سنة مسوين خدمة عندهم باص يوديك لين السوق يعنى كل نص ساعة يتحرك الباص ويوقف فى مكان معين, وموقع الفندق متميز خلفة غابة ومناظر حلوة

الأخت سفريات : يعطيج العافيه .. فنادق حلوه الصراحه .. وبما انج امجربه الفندق وسعره 360 بس يبا فوقه
بس باسألج .. قربي اشوي .. بعد اشوي .. عشان محد يسمع .. شنهو يعني ((بالترام)) ؟؟!! ليكون احد سمع ..

فصولي ...
ام هند ....
لكم الشكر على المشاركات الطيبه
خليجي 17
الله يسلمك هذا هو الترام

اما عن الفندق .......
وبالنسبة للموقع Central Plaza Hotel
بيكون أفضل .....
و موقعه اجمل
بس انته شوف فرق السعر اذا كان كبير ترا سويس اوتيل ممتازه مواصفاته... والترام يحل مشكلة الموقع

يسلمو اختي على الفنادق الحلوه والمعلومات
بنسبه لي سكنت بفندق ماريوت بس للاسف ماعندي صور له
تحياتي لك

zurich marriott

الماريوت موقعه في زيورخ ليس هو الموقع الافضل .... لكن ما يميزه وجود التكييف ... واطلالته على النهر ....
نجود الدلوعه شكرا لمشاركتك ...