1. حياكم الله في دار الحي .. وإن شاء الله تنبسطون ..


2. بخصوص إستفساراتكِ ..

أختي الكريمه
لموية العسولة

حياكم الله في دار الحي .. وإن شاء الله تنبسطون ..

بخصوص إستفساراتكِ ..

1- بخصوص السكن، أنا وايد متضايقة لان الفنادق اللي معتادين ننزل فيها كله فل بالفترة اللي نبيها (ترى صارلي 7سنين أنزل المهرجان قولو ماشاءالله )و مالقينا الا فندق اسمه كواليتي ان ..الصراحة اول مرة أسمع فيه ..أبي مستواه من حيث النظافة وحجم الغرف وموقعه بليز يعني اهو بمستوى تاج بالاس وريجنسي
فندق كواليتي إن ..
يقع بمنطقة ديره بشارع الرقه مقابل لالس سوبركامت
http://www.qualityinnhorizon.com/
وهذا رقم الهاتف 2271919 / 02
وما أعتقد إنه بنفس مستوى تاج بالاس بدليل إنه من فئة 3 نجوم
وسامحيني ماعندي أي فكره عن مستوي النظافه .. وإن شاء اله بيفيدون الإخوان إلي جربوه
ويمكن تاخذين فكره عن مستوى الغرف ....
2- سمعت عن سوق اسمه السوق الصيني.. وسوق مدينة الجميرا.. وين مكانهم بالضبط وشنو يبيعون فيهم..ويعتبرون مجمعات تجارية والا ايش؟
السوق الصيني .. يقع على إمتداد الشارع المؤدي إلي منطقة العوير .. ويمكن إتخاذ شارع الخيل الموازي لشارع الشيخ زايد وبنهايته تقع المدينة الصينية
وموضوع اختنا الغالية شنطة سفر ورحلتها إلى دبي بتفيدكِ كثير
جولتي في وافي- لامسي بلازا- قرية البوم - مرسى دبي- والقرية الصينية بالصور
سوق مدينة الجميرا .. يقع في نهايةشارع شاطئ الجميرا وخلف فندق برج العرب مباشرة .. وبجانبه فندق ميناء السلام وفندق القصر .. وهو سوق متميز جدا من حيث اليكور والأجواء الخلابه
وموضوع مشرفتنا الغالية اليازي بيفيدكِ
مدينة الجميرا ( المنتجع العربي الجديد ) https://artravelers.com
ورحلة اختنا الغالية الأخت سفريات بتفيدكِ
عيشوا مع الاخت سفريات لحظات رحلتها الى دبي ... (باركوا الكاميرا يديده) https://artravelers.com
3- حبيت أعرف شنو آخر المجمعات التجارية اللي فتحت عندكم ..أنا كنت شهر 9-2004 بدبي وشفت مجمع جديد جنب مارك سبنسر ...فتح والا لأ
الريف مول وهو أحدث مجمع تجاري وهو بجانب ماركس وسبنسر
وللإطلاع أكثر من هنا http://www.reefmall.ae/
وكذلك سوق القرية وهو بشارع شاطئ الجميرا وهو بجانب بالم ستريب ومقابل مركز الجميرا
وكذلك سوق مدينة الجميرا ..و السوق الصيني .. ولا تنسين القرية العالمية وللإطلاع أكثر من هنا و هنا https://artravelers.com
4- أبي البنات خصوصا يساعدوني بأسماء أرقى محلات العبي والشيلات اذا تكرمتو
محل إليت .. في بالم ستريب في منطقة الجميرا
محل البندر .. في مركز برجمان
محل فيرست جويس .. وله افرع عديده
محل بدون إسم .. في مركز صحارى
محل لارين .. في مركز وافي
محل إيفن أند بلاك .. في مركز وافي
محل ماي فير ليدي .. في ابراج الإمارات
وإذا في أي استفسار إحنا حاضرين ....
ويا مرحبابكم
تحياتي...

تسلمين يالغالية امارتية وماقصرتي وان شاءالله في ميزان أعمالك
والله حس قلبي انه مو كويس طيب ما تقدرين تقوليلي عن فنادق 5 نجوم بالشارجة؟
عاد مري علينا في بوابة ماليزيا وتلقين اللي يسرك

الأخت إماراتية ماشالله عليج جاوبتي على اسئلتها بالتفصيل .. الله يوفقج يارب ..
الأخت لموية العسولة .. يامرحبا مليون فيج في بلدج الثاني الإمارات .. وبالنسبة للقرية الصينية طريقها على شارع الإمارات في الجهة المقابلة لسوق الخضر والفاكهة .. اهي مو مفتوحة بالكامل يعني نصها بس مفتوح لكن عادي تقدرين تزورينها والاشياء فيها رخيصة .. مثلا الستاير تلقينها ب40 درهم ومفارش السرير ب 60 درهم .. وفيها الكترونيات وملابس اطفال والعاب اطفال وتحف ومعدات السيارات والهواتف المتحركة .. يعني يمكن هذي اكثر الاشياء اللي لاحظتها على القرية الصينية ..
مع تمنياتي لج بقضاء امتع الاوقات ..

تسلمين ياالغالية شنطة سفر وماقصرتي
الله يجزيج الجنة يارب

تسلمين إختي لموية العسولة .. هذا واجبنا إتجاه أهلنا وحبايبنا
والدعوه مقبوله
وممكن تراجعين هذه المواضيع
من هنا https://artravelers.com
و
من هنا https://artravelers.com
ويا مرحبا
اختي الكريمه شنطة سفر للتوضيح فقط ..
السوق الصيني لايقع على شارع الإمارات وإنما على الشارع المؤدي إلى منطقة العوير... إما القدوم من شارع دبي العين والإنعطاف يسارا متجهه إلى منطقة حتا ومنها إلى السوق الصيني .. أو استخدام شارع الخيل وهو الموازي لشارع الإمارات وشارع الشيخ زايد وهو في الوسط ( من بينهم ) و مرورا بكراجات العوير ومنها إلى السوق الصيني ..
والسموحه

ام مادري بس احنا اللي وصف لنا الطريق قال لنا شارع الامارات بالاتجاه المعاكس لسوق الخضر والفاكهه وفعلا احنا مشينا على شارع الامارات وبعدها نزلنا من على جسر كانت عليه لوحة مكتوب عليها حتا وعلى طول لقينا القرية الصينية على اليمين ..

أختي الكريمه
شنطة سفر
المعذره .. صح كلامج ..
القريه الصينيه تقع بين شارع الإمارات و شارع الخيل
يعني الطريق إلي وصفتيه صح .. وإلي أنا قلته صح ..
كلاهما يؤديان إلى القريه الصينيه
والسموحه حبيبتي

تسلمون ياحبيباتي والله يوفقكم لما يحب ويرضى
صج شلون الجو عندكم ؟
عندنا برد