هلا.......
1 - اخلي فلورنس اول الرحلة والا اخرها وانا ناوية اسير على الخطوط الجوية الاماراتية و ممكن انزل في روما او ميلان واروح على طول فلورنس ؟
انا اشوف ان تخلين ميلان اخر محطة لك
2 - كيف الانتقال من فلورنس لألمانيا او النمسا غير الطائرة ، شو الافضل سيارة او قطار وكم تبعد المسافة ؟
انا اقول بالقطار ممتع اذا ما انتو مستأجرين سيارة فأن القطار افضل اختيار
والمسافة بين فلورنس وزيلامسي حدود خمس ساعات
3 - يكفي فلورنس اربع ايام ؟
تكفيها وكثير عليها بعد ممكن تقليلين الايام يعني يومين يكفي
4 - ما هي افضل شقق فندقية في فلورنس ؟
هذا موقعين للشقق المفروشة ان شاء الله ينفعك
http://www.housinginflorence.com/
واي اسئلة ثانية انا موجودة للرد على اسئلتك
وبالتوفيق برحلة سعيدة

الزعيمة
مشكوره وايد على الردود الحلوه واستحمليني عاد في اسئلتي الكثيرة ...
بالنسبة للقطار من زلامسي لفلورنس اقدر احجزه من اهنيه قبل ما اسافر يعني عشان يطمن قلبي ؟ واتحسين ان القطار مناسب لعائلة مكونه من اربع اشخاص وطفل يعني ما بنتعب من حمل الشنط ؟
احنا ناوين نزور فلورنس في شهر اغسطس كيف بيكون الجو ؟
وكم تبعد ميلان عن فلورنس بالقطار او السيارة ؟.
واسفه على الازعاج

هلا......
هي ممكن تحجزين من الحين اذا بغيتي او تخلين الفندق يحجزلك اذا وصلتوا.....وكل الطريقين ممكن وسهلة
هو القطار وسيلة حلوة ورائعة في اوروبا.....بس المشكلة القوية في الشنط بتصادفين مشكلة في حمل الشنط
لان ما في مكان تحطين شنطك فية الا معك..............
انا كنت طالعة من سالسبورغ الى ميلان وكنت حامل ورحت بالقطار .....تعب زوجي وهو يشيل بالشنط وكنا اربع اشخاص
لانة ما في وقت تركبين وتحطين الشنط في نفس الوقت......
باب القطار يفتح لمدة دقيقتين بس وبعدها يسكر اتوماتيك .......وكانت مشكلة عويصة.....لان كنا حاجزين درجة اولى
ووقفنا عند درجة ثالثة .....ويوم بغينا ندور مكان ركوب الدرجة الاولى قالوا لنا اركب....وبعدين دور من داخل لان القطار يسكر
ابوابة بسرعة........
نصيحة مني.....اذا رحتوا بالقطار....ابدأي بوضع الشنط عند مدخل الباب......وبعدين خلي زوجك يشيلهم كلهم وادخلو
قبل اخر شنطة عشان لو تسكر الباب ما يسكر عليكم......
ايطاليا بوجة عام حار في شهراغسطس .......
ميلان تبعد عن فلورنس بالقطار او بالسيارة ثلاث ساعات بالكثير
وبالتوفيق اختي