25 مشاهدة ولا رد واحد ..؟؟؟؟؟؟؟؟؟؟؟؟؟

حياك اخي الحبيب ابشر ماطلبت شي راسلني على الخاص والفله موجودة وفية كمان مثلها واحسن مواصفات.
احترامي

فيلا تكساس فيلا من دورين , تتكون من 6 غرف جميلة
و ذات أثاث جيد , و يوجد بها مسبح ..
سعرها تقريبا مليون و نصف المليون روبية
بامكان أي سائق هناك أن ياخذك اليها
و للأسف ليست لدي صور لها يا غالي ..
لكن اعتقد انها غالية , و بالامكان أن تبحث
عن غيرها , فالخيارات في بونشاك متوفرة ..

هناك افضل منها يلغالي الان ضع كم المبلغ المحدد وعدد الغرف المطلوبه والاخوان بيفزعون باللي يقدرون عليه
لانا في بوابه السعاده تجد الحل قبل ان تسال

((عمدة جاكرتا))
أخوي عمدة جاكرتا
كفو والله ,, لكن حاولت أرسل على الخاص ، ما لقيت خاصية الرسايل .
لكن يا ليت معلوماتك المفيدة تكون هنا لنستفيد منها جميعا
تحياتي وشاكر تجاوبك .
أخوك / عبدالله

الطائرالجريح
يا بعدي أنا سكنت فيها قبل هالمره .. وأخذتها ب مليون وميتين ألف .
حاولت الحين اني احجزها بكل الطرق لكن مافي فايدة . الخارس يقول ان صاحب الفلة بيكون موجود في هذا الوقت . وأنا اشك ان الحارس صادق . علشان كذا أبي أي واحد من الاخوان اذا يعرف رقم صاحبها ودي اكلمه بنفسي .
واذا ما احد يعرف رقم صاحب الفله . طلبت نصيحة من الاخوان اذا فيه أحد يعرف فله بنفس مواصفات فلة تكساس من ناحية النظافة والمساحة والمواصفات .
حقيقة أخوي الكريم أنا وناس كثيرين يعتبرون أن السكن من أهم مقومات السفر . وأنا رحت قبل كذا وسكنت في فلل في الجبل . ولكن لما سكنت فلة تكساس ، تغيرت نظري تماماً عن مستوى الفلل الموجودة فيالجبل , وصارت فلة تكساس زي المقياس للسكن .
شاكر ردك وتجاوبك يالغالي

jaka
أنا أشهد أنها بوابة السعادة . ل أرض السعادة .
المبلغ مفتوح وأنا أخوك ويعتمد الدفع على شوفة الفلة . أحيان تشوف لك فله ويطيح مخبطك عندها وتدفع وانت ما تشوف الدرب .
وعدد الغرف 4 غرف واذا فيها زيادة مافي مشكلة .
لكن ياليت تعطيني مواصفات كاملة يا بعدي . يعني موقع الفلة واسمها والسعر وعدد الغرف والارقام اللي ممكن نوصل لها عن طريقها مثل رقم الحارس وما شابه.
شكراً لتجاوبك ونور الموضوع

شف وانااخوك
انا شخصيا مدمن موقع واحد بالجبل ادمان
منتجع يانسن مدخله عند ماكدونالدز
عيوبه
انه بعيد مشوار شوي
مزاياه
بعيد عن الدبابات واهلها ....حراسه 24 هاورس ...محد يتلزق فيك الا الليتبيه يجيك ولا محد يشغلك داخل جاي للكامب
رخيص مقارنه ببقيه الفلل
فيه مجموعه 9 فلل تقريبا
3 منها غرفتين
واحده خمس غرف وثنتين اربع غرف اظن
فيه فيلا جنب المكتب الاستقبال روعه مكانها وفخمه كبنا
لكن تبي نصيحتي اذا انت ادمي ما تهتم بشكل الفيلا ولا حجم الغرف
اول ما تدخل الكامب
فيه شلال يمر بنص الشلال وفوقه جسر خاص بفيلا لوحدها لها درج بتقول الدرج بعيد اول شي اعتبرها تمشيه وانااخوك واطلع خذ لك نضره بس من البلكونه الخاصه بالفيلا منظر اعتقد واجزم انه اروع منظر في بو ن جاك قاطبه
يعيب هذي الفله صغر مطبخها وصغر غرفها لكن يميزها جلستها الخارجيه البلكونه
اماالصور وانااخوك ولله مليانه بس للاسف مدري شلون ارفعها من الكمبيوتر للانتر نت واشوف الشباب يحطون صورهم ومتحسر ومتفشل اسالهم

jaka
ما شاء الله عليك اخوي جاكرتا
جبتها على الذكريات و كانك كنت متعمدا ذلك
لقد سكنت في هذه الفلا قبل سنتين تقريبا , و كان اجمل ما فيها طلتها
على نهير الماء .. و ذلك الجسر الرائع ...
لكن كان حظي السئ انني لم احظ إلا بالغرفة الصغيرة جوار المطبخ
قضينا فيها 3 ليالي تقريبا , و كان سعر الليلة 450 الف روبية ..
و بامكان اخي العنزي ان يذهب اليها فهي رائعة و هادئة , لكن يحتاج
للمواصلات بجواره ..