THEMOON
31-10-2022 - 09:13 am
بالتفصيل الممل لو سمحتوا
حيث اني سبق ان ذهبت لباريس
في صيف عام 2000 أنا وصاحبي
وسكنا في الهليتون جنب برج ايفيل
وكل ما بغينا نروح نتمشى في الشانز
رحنا في تاكسي ب 30 فرنك فرنسي ( الله يرحمك يالفرنك ويحللك ويبيحك ).
ورجعنا ب 30
وحقيقة ما عرفنا نستخدم المترو
أو تبون الصراحة كنا مفرطين في الصرف
ولا همنا تاكسي ولا مترو
بس هالسنة فارقه معي عشاني خسران ومازلت
خسران في سوق الاسهم عسى ربي يرد قروشي لي
عشان اركب التكاسي ( حبايبي ) كلهم يعرفوني.
المطلوب من السادة الأعضاء
شرح الطريقة بالتفصيل ، من خروجي من غرفتي بالفندق (خلنا نقول مثلاً الهليتون ) رغم اني ناوي في فندق رويال إليزية، الي مدري وينه اسمع انه جنب الشانز،
حتى نزولي للمكان المقصود خلنا نقول الشانز هدف اول ثم متحف اللوفر هدف ثاني.
1- وين اروح وين اجي
2- كيف اعرف الاماكن ، وكيف انزل لها ، يعني لما اوصل للمكان المقصود وش دراني ان هذا المكان تعرف تحت الارض، ( الله يكفينا شر اهل الارض ).
ما ابغى اعدد وش ابي عشان ما تتقيدون في الاجابة.
ابغى اجابة بالتفصيل ،( طرار ويبغى ثوب كبك).
