السلام عليكم
بتاريخ 23/3/2011 عيد ميلاد زوجتي وحاب اسويلها مفاجئة من حجز فندق واحتفال في كوفي او مطعم محترم لذا حاب تساعدوني بناء على هالمعطيات:
باجي بالسيارة الاربعاء 23 مارس من الرياض يعني نوصل نقول على المغرب اول شي بروح للفندق بعدين للمطعم او الكوفي
- رشحولي الفندق بالاطلالة الحلوة على البحر وسعره زين واطلالته تسوى
- رشحولي المطعم او الكوفي اللي باطلالة ومكان جميل ولكن بشرط مقفل عن عيون الملاقيف لان حسب بحثي وسؤالي فيه اماكن حلوه لكن للأسف مافيه جلسات حلوه ومغطية.
أولاً عزيزي الفاضل ، الأحتفال بيوم الميلاد أسمه يوم ميلاد ، وكلمة عيد هي عيدين للمسلمين فقط ، فقط للتنويه أخي الكريم ..
ثانياً: الفندق أرشح لك ، فندق سوفيتيل أو فندق مريديان بشرط أن يكون سويت واطلاله بحريه ، اذا بتحجز غرفه عاديه لا انصح فيه ، واذا رغبت في فندق اقل سعر وليس على البحر ، ارشح لك 1- فندق موفنبيك / 2- فندق هوليدي أن الكورنيش وهو بجانب فندق موفنبيك ..
ثالثاً: بالنسبة للمقاهي ، والأفضل حالياً لا يوجد فيها بارتيشن ، واللي يوجد فيها بارتيشن للأسف مستواها أقل من العادي ، وأرشح لك ( لاقونا ايسترن وهو مطعم وكوفي بنفس الوقت إطلالته بحريه 100% ، وجلساته رايقه وقريب جداً من فندق سوفيتل) ..
واذا رغبت بمقهى بارتيشن ، أفضلهم مقهى الليوان قريب من فندق مريديان بجانب مجمع الجمعة سنتر في قرية القصيبي ..
وبالتوفيق ...