هل هناك رسوم لدخول جزيرة النخلة ؟؟

لا يوجد رسوم لدخول جزيرة النخله
بخصوص المطاعم
عندك مطعم الكوفه يقدم مأكولات شاميه ..
مطعم الصفدي مأكولات بحريه و شاميه بالاضافه في الجلسات الخارجيه.
مطعم صدف يقدم لك مأكولات ايرانيه ولا تنسى تجرب دجاج باللبن تراها اوكي.
والاخوان والاخوات راح يفيدونك بالباقي ان شاء الله

يعطيك العافية أخوي ما قصرت
بالنسبة للخور نبي مكاتب للرحلات بالقارب وارقام تلفوناتها

اخوي همس وين مواقع هالمطاعم لاهنت
انت ذكرت الاسامي لاكن ما ذكرت المواقع

ايه والله ياليت الله لا يهينكم تحطون مواقع المطاعم بالضبط
واسعارها تصنف من ظمن المطاعم الغاليه او المتوسطه ؟

ahmed852
هلا اخوي
اعتقد ان الفندق مكانه ورا برجمان مول وهالمنطقه فيها وايد شقق فندقيه وفنادق
واقرب محطة مترو لها محطة خالد بن الوليد
ومن المترو تقدر تسير دبي مول ومنطقة برج خليفه وتقدر تسير لمول الامارات و ابن بطوطه مول
وبالنسبه للمطاعم ,,,فيه دبي مول عدة مطاعم روعه وبعد في مول الامارات
مطعم الكوفه في نادي النصر الرياضي ورا المستشفى الامريكي وهو بيكون قريب منكم
مطعم الصفدي و صدف في شارع الشيخ زايد وبعد في شارع الرقة في ديره

همس المسافات
الله يعطيك العافية
ياليت مواقع هذه المطاعم

انا جربت مطعم ومقهى ريم البوادي بتنبسطوون فيه متاكد جلسات حلوة خدمات ممتازة من ناحية غالي غالي شوي
الاكل فيه متوسط بس خياراتهم كثير انا اشوف الافضل انك تاكل برى وتروح تجلس فيه ساعه ساعتين يسوون عروض احيانا
موقع ريم البوادي فيه في الجميرا وفيه فرع بشارع الشيخ زايد وانت جاي من الديره باتجاه مول الامارات على يمينك قبل ماتوصل مول الامارات بشوي
افضّل إلي في الجميرا