.
السلام عليكم ورحمه الله وبركاته..
كل عام وانتو بخيير..
بدخل في الموضوع على طول بدون مقدمات
بصراحه حلمي من الطفوله اني ازور باريس واوقف عند برج ايفل واتصور عنده
يوم جاء زوجي من الدوام فاجأني انو بنسافر باريس .. طبعا انا طق لي عرق من الفرحه
..لاكن المشكله .. ان لا انا ولا زوجي قد رحنآ بآريس
وما عندنا خبره بصراحه ف فنآدقهآ والاماكن الحلوه الي فيهآ > اهم شي عندي ..
ومحتآجه خبرتكم .. ف الاماكن الحلوه ف فرنسآآ وخبرتكم ف الفنآدق المتوسطه وتكون مطله على مناظر حلوة وقريبه من المولات عشان ابغى اعمل شوبينق ..
الرحله بتكون تقريبا لمدة 10 ايآم .. وانا عآرفه ان فرنسآ يبغى لها اكثر من كذا عشآن الواحد ينبسط فيهآ .. بس الجآيآت ان شآء الله اكثر ..
ما ننحرم من ارائكم ومقترحاتكم ..
وانا ما ادري كيف اجواء فرنسآ ف الاوقآت هذي يآليت الي عنده خبره .. ما يبخل علينآ ..
دمتم .. (f)
فيه فندق ساكن فيه انا وزوجتي لنا عشرة ايام قريب من الشانز 5-10 دقائق مشي ونظيف وسعره من وكالة الذياب اللي في الملز مناسب 13500 لعشرة ايام مع الفطور جربت الحجز في نفس الفندق عن طريق البوكينج عطاني سعر 14500 ريال بدون افطار
بس صراحة الفندق آمن ونظيف ومتعاونين الطاقم اللي فيه ولا عمرنا فقدنا عود كبريت
واقترح عليكم تروحون الجمعة والسبت والاحد لأحد اماكن الريف الفرنسي منها تفتكون من زحمة الويكند عندهم ومنها اسبوع تكفي باريس بالراحة وانصحك دامكم بدون اطفال لا تروحون ديزني لان متعتها مع الاطفال واذا بغيتي فيه محل لديزني في شارع الشانز واسعارهم لا بأس فيها في حال بغيتوا تشرون هدايا
وبالنسبة لأماكن التسوق لا تشيلين همها واجد والمترو يوصلها كلها
المترو سهل جدا جدا وتجربته رائعة
اول يومين توصلون خوذوا الباص الاحمر مدته يومين يدور بكم على 9 محطات وتأخذون فكرة عن باريس
بعدين خوذوا تذكرة باريس فيزيت لمدة خمسة ايام
وثلاثة ايام اقضوها بالريف الفرنسي