الزحمه في الأيام العاديه فما بالك ب ايام الويك اند

Raeyd
مشكور يالغالي...
و زحمة السير كما تفضلت و لكن اقصد الزحمة بشكل عام. يعني حجوزات الفنادق و المنتزهات هل بيكون فيه زحمه...لان في بعض المناطق مثل الشرقية تصير مأساة في الاجازات و قد لا تجد غرف شاغرة في الفنادق لكثرة الناس
و شكرا

وعليكم السلام
أتمنى يفيدك التالي:
https://artravelers.com/p/re/247848

سلام....
والله من ناحية السكن لا أعتقد ان بيكون هناك اي معاناة وبيكون ان شاءالله السكن متوفر لك ....
بالنسبة للأماكن اللي بتزورها فعندك..
الاسواق (( المملكه, الفيصليه , حياة مول , صحارى وصحارى بلازا ......الخ)) انصحك تروح لها بعد الظهر يوم الخميس تتمشى في واحد منها وبعدها تتغدى بأحد المطاعم الكثيره اللي فيها وبعدها تطلع منها والله يعينك عالمصاريف !!
وعندك مجمع ايكيا عالدائري الشرقي بعد مخرج 16 مكان حلو وفيه كوفي ومطعم باسلوب جديد وحلو.
شارع التحليه وانصحك اذا بتروح رحله العصر وخذ لك كوفي من الكوفي شوبات الكثيره اللي فيه وانتبه تروح الليل خصوصا ان كنتوا عوائل لأنه بالليل كله شباب وزحمه..
عندك الثمامه اذا بتطلع مع هالاجواء الدافئة دبابات وخيول وبعدها يكون معك شوي من (فرسان) وتشوي انت والاهل وصدقني راح تستمتع..ولاتنسى ان الثمامه فيها عدة منتزهات مثل فانتزي لاند ان كانت بتصلحلك.
وعندك اسواق تراثيه وفيها بضاعه حلوه واسعارها حلوه مثل الديره والمعيقليه مايمنع تزورها العصر وراح تروح لها مع طريق الملك فهد ..
اتمنى اكون افدتك

هلا اخوي وحياكم الله في الرياض با النسبه للسكن حلو ورخيص فيه فندق توه جديد وموقعه خلف مجمع غرناطه ممكن تسكن فيه وتطلع فترة الظهر لثمامه لانها قريبه من الفندق وتركبون دبابات وخيول وفيها منتزهات كثيره زي قرية الثمامه وفانتزي لاند هذي تعجبني وفي اليل ترجعون لمجمع غرناطه تتمشون وتتعشون ويلعبون الاطفال
اليوم الثاني تصحون وتفطرون جو ا الفندق او برا عادي بعدين تزورون مركز الملك عبدالعزيز التاريخي مره حلو وتدخلون المتحف بعدين تطلعون منه لحديقة الوطن وتوصلون لها على الاقدام وتلعبون الاطفال فيها واذا بغيتو تاخذون شاليه وتطلبون غداء او عشا فيه خدمة توصيل بصراحه الشاليه ناخذه فترة الصيف عشان الاطفال يسبحون بس انتم شي جديد عليكم وممكن تطلعون بدري من الحديقه وتزورون وسط البلدوفيه اسواق حلوه ورخيصه زي التعمير والديره والمعيقليه وسويقه طب وتخير
اليوم الثالث ولاخير تتغدون في مطعم وتتمشون في مجمع الرياض غاليري والاستعداد للسفر
اتمنى يعجبك النظام
والمطاعم الرياض كلها مطاعم عندك شارع الامير سلطان والتحليه كلها مطاعم طب وتخير والبوفيهات المفتوحه اغلبها في نهاية الاسبوع
والسكن عندك شقق بودل حلوه على شارع العليا العام وفندق المثنى على طريق الملك فهد