T U R K I
آمل اني قدمت مايفيدك واتمنى لك التوفيق

شف يااخوي تركي والله انا رحت تقريبا 10 ايام للفلبين بس ماشفت المرأة السعوديه او الخليجيه كله رجاجيل برجاجيل بس انا ممكن رحت بوقت ماهو اجازة عندنا علشان كذا ماشفت المرأة الخليجية بس رح وجرب..... وعلى كلام اخوي الحجز من المطار بيكون غالي انت احجز من المكاتب لمدة يومين وبعدها زبط امورك اما بالنسبة للطبيعة ماادري انت وزرجتك وش راعية... بس الاسواق متوفرة والاكل رخيص بس خذ معك جبن وتونه علشان الفطور تراها مهب مثل هنا هم يفطرون رز ابيض..والطبيعه في المنتدى مايقصرون الشباب خذلك برمه لمدة نصف ساعة وتشوف الصور وراح تستفيد انا مثلك والله استفد كثير من الردود والمواضيع ...أرجو اني اعطيتك الفائدة ونتمنى لك سفرا سعيدا انت وعائلتك

وعليكم السلام ورحمة الله وبركاته
1- حبيت أستفسر هل الفلبين مناسبه لي ولزوجتي !!؟
يعني تتوقعون مافيه مشاكل من ناحية الحجاب والأمن
أوكيه مافي مشكل صديق ( أنا شفت وحده بعبايتها وكامل حجابها في مال أو أسيا)
2- أنا أفكر أجلس هناك 12 يوم

حبيت أستفسر هل الفلبين مناسبه لي ولزوجتي !!؟
يعني تتوقعون مافيه مشاكل من ناحية الحجاب والأمن
2- أنا أفكر أجلس هناك 12 يوم

اخوي تركي الربع ماقصروا وكل يدلي بدلوه واحتمال انهم اصابوا واحتمال انهم غير ذلك
شف اخوي بالنسبه السفر للعائله للفلبيين والله ما انصح فيها صحيح الامن حلو بس العادات والتقاليد تختلف من ناحية اشياء لاتعجب العائله والعاقل
منها مثلا كثرة الملاهي الليليه
نفس تايلاند
طمر لماليزيا افضل لك الف مره من الفلبيين وتايلاند هناك الاحتشام الكامل
الفنادق في الدول سابقة الذكر فيها بارات وعربده وانت مغنيك الله عنها
ماليزيا اغلب الفنادق ماتشوف البارات او الديسكو فيها
اذا تطلع للجزر باتلنسبه للفلبيين افضل واهداء بس مناظر تخدش الحيا واسمع كلام مجرب وانت احكم واشكر الاخوان اعضاء المنتدى على التوجيه والمشاركه والتفاعل وموفق خير
اخوك باسل

باسل8182
أصبت عين ضرس العقل كمان بكلامك الموزون باسل بيك، ماتقدر تحكم كل واحد على حسب طريقة تفكيره ومعيشته هنا في السعودية أو دول الخليج، وانت ردك كان الأصوب

مساء النور ولو ان ردي متاخر شوي بس احب ارد لكي يكون بالارشيف ويستفيد منه الاخرون .... بالنسبه للفلبين مناسبه للعوائل خصوصا اذا تعرف احد هناك مثل ممرضه فلبينيه (تعرف او خلي المدام تتعرف على ممرضه بالسعوديه وش كثرهم ) وتاخذها مع العائله اولا بتدللك على المناطق السياحيه وثانيا ماحد بيتجرأ ويتحرش فيك ويبتزك لان الفلبيينين يحترمون بعضهم وهذا الشيء جربته بس بصراحه ماكان معي عائلتي ههه وبالتوفيق واجازه سعيده

1. 4. الفلبين اغلى من تايلانند بنسبة 10 بالمئه تقريبا .

1. بالنسبه للحجاب إذا كان حجاب على الشعر بس ماعندك اي مشكله اما إذا كان بنقاب او برقع لا لا لا كل الناس بتطالعك وبتلتفت عليك بنظرة استغراب وهذا الشي حصل معي لان زوجتي كانت لابسه نقاب مره كنت امشي عند مطعم جاليبي وموقع المطعم بالزاويه عند اشاره وكانت تقريبا فيه 20 سياره واقفه عند الاشاره تنتظر الاشاره تفتح . اقسم بالله ان كل اللي بالسيارات يطالعون زوجتي بنظرة استغراب حتى هي خافت من النظرات بس محد راح يظرك او يكلمك لا بس نظرة لقافه
2. المصروف يعتمد على السكن والاكل والمواصلات . طيران داخلي وتكاسي وباصات يعني انت إذا رحت هناك راح تلقى كل الخيارات انت اللي تختار لو انك كتبت المناطق اللي بتروح لها فالفلبين راح تلقى الجواب بس ماندري عن جدولك
والفنادق والمنتجعات فالجزر اغلى من العاصمه إلا دافاو رخيصه مره بالنسبه للجزر الثانيه
وبالنسبه للأكل اغلى شي المطاعم العربيه يعني للغدا شخصين تقريبا من 100 ريال وانت طالع والعشا يستحسن انه وجبات سريعه لانه رخيص واجد وطبعا مو حلو الواحد ينام وهو مغتث من الاكل وبعدين راح تمزمز وتاكل كذا شي بين الغدا فواكه ومنقا وخرابيط يعني العشا بيكون خفيف ومايكلف لان الوجبات السريعه ماكدونالز وكنتاكي وغيره شخصين لوجبتين تقريبا بب 18 ريال او 20 ريال
3. تايلاند افضل من الفلبين بالنسبه لمقومات وبرامج السياحه بمليون مره بس الشعب الفلبيني اكثر احتراما واحلى اسلوب وذرابه ولباقه فالكلام واكثر ثقافه باللذات بالانجليزي تايلاند فيه طبقه كيره جدا فالمرافق العامه مطاعم و فنادق واماكن سايحيه لاتجيد الانجليزي بس الفلبين لا الانجليزي فيها 100 با 100 فكل مكان . وبالنسبه للطبيعه تتشابه بنسبه كبيره

4. الفلبين اغلى من تايلانند بنسبة 10 بالمئه تقريبا .

5. الفنادق احجزها من الفلبين احسن لانها بشوف عينك احسن من تحجز بصور من النت يمكن الواقع يكون غير من ناحية فخامة الاثاث والموقع واهم شي الموقع وخدمات الفندق شوف عينك احسن بس احجز من هنا فندق لاول ليله توصل عشان بتكون تعبان عقب السفر وعشان ماتجرجر شناطك وراك من فندق لفندق .
واتمنى اني قلت شي يقنعك وع ان اخواني اللي شاركو معك بالردود ماقصرو كفو ووفو

هناك ردود أخرى، ومعلومات عن الوجهات السياحية المرشحة لرواد الفلبين من العوائل تجدها تحت هذا الموضوع:
https://artravelers.com/p/re/277947