أهلاً بك
المغادرة من جدة يوم 29 يونيو قبل منتصف الليل
الوصول إلى كوالامبور : يوم 30 يونيو بعد الظهر
العودة يوم 12 يوليوالفترة = 12 ليلة بالتمام والكمال
توزيعك رائع جداً وتواريخك صحيحة 100%
الميزانية :
المصروف اليومي = 500 ريال * 12 = 6000 ريال
طيران داخلي ومواصلات بين المدن = 1200 ريالالمجموع = 7200 ريال
المتبقي للفنادق = 12000 - 7200 = 4800 ريال
0تقسيم 12 = 400 ريال
بهذا المبلغ لن تتمكن إلا من استئجار فنادق إقتصادية فهل عندك استعداد تزود الميزانية في حدود 2000 ريال لتحصل على فنادق أرقى ؟

الف شكر اخوي المغادرون
طيب مافي مشكلة
لكن بالله ابغى ترتيب فنادق فيها شطاف وكويسه
ولكم من كل الشكر والتقدير

الشطافات عاملة للشعب أزمة
تفضل هذي فنادق حلوة ومناسبة لشهر العسل ومتناسبة مع ميزانيتك وبشطافات بعد
سلانقور : فندق صن وي بيرميد غرفة سوبيريور
لنكاوي : فندق متيارا غرفة سوبريور كابانا على البحر
بينانج : فندق فلامنقو غرفة ديلوكس مطلة على البحر
كوالا : فندق رويال شولان غرفة ديلوكسمجموع التكلفة = 6125 ريال شاملة الضرايب + وجبة الإفطار
للحجز من هنا ..
http://www.agoda.com
www,booking.com
http://www.asiatravel.com
مع تمنياتي لك برحلة سعيدة إن شاء الله

الف شكر اخوي المغادرون على اهتمامك بالمسافرين الجدد
بس اخوي فيه سؤال
الفنادق اللي انت اخترتها لي
مثلا
حجز مسترد او لأ
زي البيراميد من اجودا مو مكتوب انه مشمول الفطور
وانت كيف تختار الغرفة مثلا
اقل شي اللي يكون فيه عرض
لانه على حسب ما اتوقع انه اللي عليه عرض مايكون مسترد وبدون فطور
ممكن بس الله يكرمك توضح لي هالنقطة
معليش فيه سؤال ثاني
ايش رايك في فندق امباير
حق اخونا وافي
وسلامتكم

لا يفوتك فندق ومنتجع متيارا لنكاوي
روعة لا يفوتك من ناحية الاسترخاء وخصوصا طابعه المختلف
اتمنى لك التوفيق

أخي الكريم
التفاصيل هذي أشياء ترجع لك أنت
هل تريد حجز يكون مسترد أو غير مسترد تريد الدفع مقدم أو لما تصل الفندق ... الخ
كل هذي التفاصيل ترجع لك وأنت اللي تحدد ..
أدخل على مواقع الحجز المشهورة مثل بوكنق وأقودا وأسيارتفر وشوف العروض وشوف طريقة الدفع وأختر الأنسب لك
لكن إجابة على سؤالك : نعم العرض المخفض غالباً يكون الدفع فوري وغير مسترد وأحيانا بفطور وأحيانا من غير
بالنسبة لفندق أمباير ما سكنت فيه ولا أعره لكن حبيبنا وافي سكن فيه ومدحه وهذا يكفي

الف شكر لك يالمغدرون على توضيحك و توجيهاتك
وانا آسف مارديت عليك لاني بصراحه مشغول في العمل وترتيب ماقبل الزواج
وانا اخذت بمشورتك وحجزت في الفنادق اللي انت قلت لي عليها ماعدا لنكاوي اخترت بلانجي
وانخصم المبلغ من الحساب علطول ماعدا البيراميد
ومكتوب انه عند الوصول يتم الخصم وكات انه لازم يكون فيه رصيد قبل الوصول
انا حاط رصيد زيادة
بس حاب اعرف كيف هل انهم يخيروني كاش او فيزا
وسؤال ثاني الله يحفظك ويخليك لجل عين ترجيك
حجز الطيران الداخلي هل احجز من ذحين ولا قبل السفر باسبوع
وايش الفرق بين ال regular and promo
وايش الوزن مع انه مابيكون معاي عفش كثير وهل الوزن يكون للشخصين او شخص واحد
ومتى الوقت اللي يكون في نظرك انه مناسب من حيث اجراءات ال check in and check out
في الفنادق هل تطول
يعني مثلا البلانجي التشيك ان يكون بعدالساعة 3 ظهرا
ولازم اتصل على الفندق قبل ما اوصل لهم عشان أأكد لهم اني جاي ولا بس اجيهم واوريهم الفاوتشر
وآسف على الاطالة

أهلا بك
نعم هذا معناته أنه بالنسبة للبيرميد الدفع عند الوصول لما تصل الفندق وتسوي تشك إن يخيرك الموظف هل تدفع كاش أو بالبطاقة وأنت تختار
والطيران من الأفضل تحجز من الآن لأنك كل ماتأخرت كل ما ارتفعت الأسعار والبرومو يعني (عرض) وهذا إذا لقيته أكفش فيه قبل لا يطير هم ينزلون عروض مخفضة جداً على عدد محدود واللي يلحق يحجز من بدري يكسب
بالنسبة للحجز أنت قدر كم الوزن وأختر البكج المناسبة للوزن المتوقع عندك بس أهم شيء لا يكون الوزن الفعلي أكبر لأنهم يأخذون حوالي 15 رنقت على كل كيلو زيادة ومايهم سواء حطيت العفش على شخص أو وزعته على شخصين أهم شيء المجموع مايزيد عن وزن عفشكم الإجمالي
بالنسبة للفنادق مايحتاج تتصل ولا شيء بس أهم شيء أنت رتب رحلاتك الداخلية بحيث يكون الوصول للفندق التالي بعد وقت الدخول الرسمي ولو تقدمت قليل عادي المسألة بسيطة .. مثال من سلانقور إلى لنكاوي أختر رحلة الساعة 2 الظهر
تخرج من فندق البيرميد الساعة 11 ونص الصبح وتأخذ تاكسي إلى المطار الداخلي توصل المطار حوالي الساعة 12 وربع إلى 12 ونص تسوي تشك إن وتحمل العفش وتدخل الصالة وتطير الساعة 2 الظهر .. مدة الرحلة ساعة يعني الساعة 3 بتكون في لنكاوي

اخوي ابو ريان والمغادرون صبحكم الله بالخير
اسمحلى على المداخلة ياالمغادرون
بالنسبة لفندق امباير جدا حلو انا نزلت فيه العام الماضي على توصية وتقرير اخونا الوافي وكان صراحة مايحتاج احجز وانت مغمض الا اذا حجزت في الصن واي
وبالنسبة لموضوع الوزن احب اضيف لكلام المغادرون الافضل لك انك تختار وزن ال 20 كيلو افضل لعدم زيادة الوزن على طيران اير اسيا وحاول انك ماتكثرون عفش عند سفرك من السعودية لانك ممكن تشتري مشتريات كثير من عندهم ويزيد الوزن لان زيادة الكيلو الواحد حيكلفك 15 رنجت ... خلى بالك