اهلا اخوي انا حاليا بأسبانيا اول شي ادخل ع موقع الخطوط اللي انت تفضلها للسفر واحجز لليوم اللي تبيه بالضبط
سواء السعوديه او القطريه البحرينيه الاماراتيه المصريه ....
عندك 9 ايام ممكن تخلي 5 ايام للجنوب الاندلسي تقسم بين يومين ماربيا وملقا والمدن القريبه منها
ويوم اشبيليه ويوم غرناطه ويوم قرطبه
يومين مدريد ويومين برشلونه
ولك حرية تقسيم الايام وبما انك تبي آثارتاريخيه انا اشوف 5 ايام للجنوب مره طيبه
بعد كذا ابدأ شوف كل مدينه ايش فيها وايش انت تحب وممكن تروح له واعمل لك نوت
والتقارير ف المنتدى كثيره ع كل مدينه واذا صعب عليك شي اسأل وان شاء الله
انا او غيري بيجاوب عليك
الفنادق حجزها عن طريق موقع بوكينج اضمن شي تقريبا
احجز واطبع الورقه وخلها معك تقدمها للفندق اللي تبيه
للآن لي 8 ايام فف اسبانيا ماتعرضت لموقف يتطلب لغه انجليزيه جيده
يكفي انك تعرف الاساسيات وتفهم ايش يقول لك اللي قدامك
لأنهم هم بنفسهم مايعرفون انجليزي
ربنا يسهل لك ووييسر لك امورك
ايه كمان نسيت اقولك ع الفيزا بعد حجز التذاكر والفنادق وتطلع التأمين ضبط الاوراق المطلوبه وتلاقيها
ف موضوع مثبت
ابدأ من الآن رتب نفسك عشان كلما كان التخطيط مرتب استمتعت اكثر

مشكوره وجعلك بالجنه ياريحانه
رايك الحجز افضل شي عن طريق مكتب سياحي
والا عن طريق الخطوط
الخطوط السعوديه غاليه مره
وانا نفسي احصل مرشد سياحي واتعاقد معه قبل السفره
يعني يكون هو الي يستقبلني في المطار
تتوقعين كم يكلفني
وجلستي هناك تسع ايام مع التذاكر والتكاليف كم تكلف تقريبا
الله يسعد ايامك يارب
ويردك لديارك سالمه يااختي

ادخل ع اكسبيديا وحط تاريخ رحلتك وشوف الاسعار لجميع الخطوط غالبا المصريه مو غاليه والاماراتيه تسوي عروض
ماتحتاج مرشد عندك شهرين يمديك بالراحه
ما ادري ع المصروف بس انت وطريقة صرفك يعني انا العاده آخذ يوميا 100 يورو
واصرف منها تقريبا 70 كحد اعلى واوقات تحتاج تاكسي او رحله بباص معين
بس كله حسب صرفك الشخصي معقول احجز بنفسك كل شي اصلا ممتع
خصوصا لمن تحس بعناء البحث والجهد الشخصي وتلاقي نتيجه عليه لمن تروح
ربنا يقدرنا ونرد لو شوي منافع هالمنتدى ع الكل
ومافيها شي هنا الكل لخدمة الكل
واحنا بنسوي اللي نقدر عليه
واي سؤال انا حاضره باللي اعرفه

اتمنى لك سفرة سعيدة
بأي مدينة موجوده يا ريحانه؟

ابي منك بعض المعلومات الضرورية لاني رايح شهر العسل هناك شهر 12 ديسمبر شهر العسلاتمنى منك زيارة موضوعي استفسار ( برشلونة - اندورا - سان سبستيان- مدريد )اتمنى منك تفيدني
بليز

اهلين اخوي حسنين
مايحتاج لامرشد ولا شيئ ولا لغه بعد انا توني جاي من اسباني 17 يوم في شهر فبراير انا وام العيال
وماعندي اي لغه
بس اهم شيئ تضبط حجوزاتك من هنا مثل (( الفنادق - استأجر السياره - تذاكر دخول قصر الحمراء الخ......))
ومن ناحية حجز الطيران الدولي والداخلي ضبطه انت احجز من النت عندك المصريه السعوديه الاماراتيه القطريه ....
اما الداخليه من الطيران الاقتصادي
ومدريد ماجازت لي انا
بس برشلوونه والجنوب الاسباني ميه ميه
انصحك تقسم ايامك على هذول

اعتذر عن دخولي بموضوعك اخوي بس حبيت استفسر من الاخت ريحانه عن شي
انا موجود الحين في برشلونه ومخطط بكره اروح انا وزوجتي لمدينة tibidabo الترفيهيه وسالت عن طريق الوصول اليها وافادني احد الاخوان هنا في برشلونه انه في باص من ساحة كالتالونيا يوصل لها مباشره واعتمدت هالشي
المهم يوم رجعت الفندق قبل شوي عطوني ورقه في الاستقبال مفادها انه بكره حيكون في تقليل بالمواصلات بنسبة 33 بالميه
تتوقعي هالشي بياثر والافضل اخلي رحلتي للمدينه يوم ثاني لانها بعيده واخاف اروح ويصير مشكله بالرجوع مع العلم اني ساكن في نهاية شارع الرامبلا

اهلين اخوي حتى لو كان فيه تقليل بالمواصلات ما اتوقع هالباصات يوقفونها لأنها ما تودي تيبادابو بس تمر على كل الاماكن السياحيه
ومن ضمنها الحديقه يعني تروح تآخذ الخريطه حقت الباص وتشوف موقع الحديقه
تطلع الباص اللي مكتوب عليه اخضر ف الشاشه الاماميه
لأنهم لونين والحديقه عند النقطه 14
يعني يمر من 14 معلم وانت حر تنزل عند اي وحده وبعدين يوقف عند الحديقه وف الرجعه من اي نقطه توقف عند محل ما نزلت ويمر باص ثاني وتطلع فيه يتبقى نقطتين وينزلك عند النقطه الاولى اللي منها تروح بيتك
وترى له ووقت ماني متأكده اما 8 او 10 آخر شي
هذا طبعا لو كان قصد اللي علمك الباص السياحي
وانا صراحه ما اعرف الا هو يدور بك على كل المناطق السياحيه
والبرتقالي كمان طريقه احلى ويوديك الملعب لو كنت حاب اتمنى افدتك سيدي