- السلام عليكم ورحمة الله
السلام عليكم ورحمة الله
انا سلمكم الله مسافرة ان شاء الله لباريس الثلاثاء القادم ورحلتي راح تكون من لندن باليوروستار ذهاباً واياباً وحجزت رحلتي عن طريق مكتب سياحي بلندن , ورحلتي ستكون علمية بالاضافة لجزء من الترفيه والسياحة , ( فأنا طالبة دكتوراه وتعتمد رسالة بحثي على زيارة عدة مصانع وبالاضافة الى حضور دعوة من بريمري فيجن في اهم معالم الموضة والازياء لهذا العام واريد ايضا عمل زيارات لاهم اماكن لتجمع دور الأزياء والفنون والمتاحف ) وكانت مدة رحلتي 3 ايام و بعد كذا احتجت ايام اكثر ومددت اقامتي في الهوتيل الى ان اصبحت 6 ايام , اتصلت عالمكتب اللي حجزت من عنده وسألته شالعمل لو بغير موعد العودة باليوروستار وقالت المسئولة لايمكن لأن حجزك كان نهائي مش قابل للتغيير , وطلبت مني ان اعمل حجز جديد بالعوده ودفع مبلغ اخر ووجدت ان وقت العوده في سادس يوم الساعه ال8 صباحا ولايوجد غيره بالاضافه الى ان سعر تذكرة العوده لوحده اكثر من سعر التذكره الاولى ذهاب واياب و هذا مبمهم بس كوني ارجع 8 الصبح معناته ماراح استفيد من اليوم السادس اللي اضفته . وقررت اجي عن طريق الطائرة ولحد الان انا ماحجزت العوده وخايفة اتورط ومالقى موعد للعوده ولو احد عنده فكره اشلون ممكن احجز طيران بالاون لاين من باريس الى لندن فياليت يدلني وهذا اول طلب لاهنتوا ... اللي شاغل بالي وشايله همه حيل ان فرنسا اول مرة ازورها ولوحدي احس فيها صعوبة يعني اضيع اتوه وشلون اسوي وشلون اتنقل؟ الاندرقراوند في لندن اعتدت عليه بس المتروا في فرنسا سمعت من وحده فرنسية اصعب بكثير و بالاضافه لأن وقتي قصير واخاف تنتهي المده وارجع بدون فايده , مع العلم انا بحثت عن مكاتب في فرنسا ودلتني وحده في موقع على اخت مغربية او اخ مغربي حسب ماابي ممكن يروحون معي أي مكان بس انا حسيت انها صعبه, مع اني حملت موقع المترو على الايباد بس حسيت فيه شي مشوشني ومقلقني ومبقادره انام من يومين ومااعرف اذا كان اللي حملته هو المقصود او لا لأن في الابل ستور كان فيه عدة خيارات, وهذي الايقونه مقسمة الى لونين بمبي واحمر بشكل افقي ومكتوب فوق حرف M وتحتها مكتوب باريس واسمها PARIS BY METRO فهل هذي الايقونه هي اللي تحمل هالبرنامج او لا ؟ ياليت تدلوني عالايقونة المناسبة اللي ممكن تساعدني في التنقل بسهولة ووضوح وهذا طلبي الثاني لو تكرمتوا
وياليت لو احد يعرف أي معلومات او اماكن عن مصممين او دور الازياء وهذا طلبي الثالث وبديت انحرج من الاطالة ومن كثرة طلباتي
بالاضافة الى بعض الاسئلة الخفيفه التالية
1- هل استخدم بطاقة الصراف البريطانية (فيزا) ؟
2- ما اسم شريحة المكالمات اللي ممكن استخدمها ومن فين اجيبها وهل يتكلمون مع الناس بالانجليزية او الفرنسية فقط ؟
3 - اشلون ممكن استخدم النت عالايباد هل اخذ شريحة اخرى وهل توجد لديهم الشركات الدولية المعروفة مثل فودا فون او O2. او استخدم نفس شرائحي البريطانية الموجوده في الايباد والايفون ؟
اعتذر بشده عالاطالة الممله بس كنت حابة اوضح لكم بالضبط الشي اللي موترني وممكن اجد لديكم اجابته وعندي يقين بذلك ان شاء الله ...
وعندي يقين اخر والله اعلم اني راح اسألكم مرة ثانية عن اشياء ثانية الين ماتقولون ليتها ماراحت ههه
والله يوفقكم ويعطيكم العافيه ويثيبكم على مجهودكم واعلم ان مبدأكم هو :(( من فرج عن مسلم كربه فرج الله عنه كربة من كرب يوم القيامة ))
دمتم بكل خير ومودة
بخصوص الطيران مت فرنسا الي لندن
شوفو توقيعي طيران ايزي جيت رخيص جدا
اما الاندر قراوند جدا جدا سهل
ماعليك الا تاخذين اسم المحطات التي بتزورونهم
هذي اول خطوه
ثم تروحون لمحطة الاندر قراوند
وتبلغون موظف الاستقبال انكم بتزورون هل المعلم السياحي
هو بدوره الموظف راح يرشدكم
مثلا انتم في الشانز ودكم تروحون الي برج ايفل
تسألون الموظف
هو راح يقولكم انزلو في هل المكان
من تروحون اول مره راح تتعلمون وبسهوله
لانه نفس لندن لكن لكبر حجم العاصمه وتخطيط المترو ماراح تستوعبون في النظري
لازم تكونون في المحطه عملي
باقي الاسأله يجاوبونها اهل الخبره
بالتوفيق