السلام عليكم ورحمة الله وبركاته ،،
أسعد بالانضمام لركب العرب المسافرون .. واتشرف بذلك
انا ابي فزعة الخبراء وفزعتكم .. جميع
لأنه بكل امانه تقارير الشباب كانت في غاية الروعه.. وكل تقرير أحلى من الثاني ..
بس بأسوي تقرير أغطي عليهم كلهم ; قم وخر بس
بكل امانه انا محتار في برنامجي لأني أنهيت الحجوزات كالاتي :
الرياض& الى فينا والعودة. جنيف الى ; الرياض
وأحب أخذها تمشيه من النمسا الين اوصل جنيف ..
بس محتار كيف بيكون البرنامج ..؟
وهل استأجر سياره والا اقدر استغني عنها بالقطارات والمترو ..؟؟ وأيهم أوفر ؟؟
مع العلم الرحلة عائليه انا وزوجتي .. ومعنا كتكوتنا
مدة رحلتي 13 يوم ودي تكون 8 في النمسا و 5 في سويسرا ..
تكفون لا تحرموني إقتراحاتكم .. واراءكم ونصايحكم .. في كل شيء ..
وأنا شاكر ومقدر لكم تعاونكم .. عسى ربي يوفقكم .. ويسعدكم ..