خطوه انثى
04-04-2022 - 12:16 pm
السلام عليكم ورحمه الله وبركاته
هذي أول مشاركه لي في المنتدى وأبي رأيكم في برنامج يصلح للعائلة
أنا شفت موضوع دليل الأماكن السياحيه الأكثر من رائع
وبصراحة احترت مدري وش الأفضل والمناسب لنا
الرحلة بإذن الله يوم 15 أكتوبر والعودة 30 أكتوبر
مقسمه على النحو التالي
5 أيام في سيلانجور فندق Sunway
6 أيام في بينانج مقسمه الى قسمين :
3 في فندق Holiday Inn
3 في فندق Golden Sands
4 أيام في كوالالمبور < هذي محتارين في الفندق
حجزنا مبدئيا في هالفندقين
وش الأحسن برأيكم ؟
و إذا فيه فندق أفضل منهم ؟
Pacific Regency Hotel Suites
Swiss-Garden Residences
بالنسبة للنكاوي بتكون زيارتنا لها يوم واحد فقط هل تكفي ؟؟
وشكرا لكم مقدما
حياك عزيزتي .. بصراحة ما ادري رتبتي برنامجك على أي أساس ؟
هل هي قناعه منك أو فيه مكتب شار عليكي بالتوزيع هذا
عموما 5 أيام كثير جدا على سيلانجور ويكفيها من يومين لثلاثة أيام كحد أقصى
فقط للراحة والاستجمام بعد السفر وهي منطقة راقية لكن مايعني انكم تجلسون فيها 5 أيام !
ونفس الحال في بينانغ 6 أيام كثير تكفيها 4 أيام لأنها بتناسبكم كعايلة بحكم فعالياتها وأنشطتها
ولنكاوي ما تكفيها يوم ابدا وبعدين كيف بتروحين لها وهي مهي في جدولك أساسا !
لأنو يبغالها حجز طيران وفندق
أختي الكريمة أقترح عليكي البرنامج التالي
يومين سيلانجور
4 أيام بينانغ
3 أيام لنكاوي فندق الوستن أو ذا دانا أو بيلانجي بيتش حسب ميزانيتك
يومين جنتنق هايلاند
4 أيام كوالا والفنادق برضه حسب ميزانيتك
تريدرز الرائع أو رويال شولان
واذا حابه شي افخم عندك المندرين اورينتال
أو شي أقل فندق دورست ريجنسي 4 نجوم , نظيف ويمدحونه وسعره معقول
وتقدرين تعدلين توزيع الأيام بحيث يناسب ميولكم الشخصي
بالتوفيق ورحلة سعيدة ..