ان شاء اللة تحصلين الي يفيدك . ومبروك مقدما

كيب تاون مناسبة لكم جدا،، توكلو على الله ..
شهر 12 الجو حلو ..
الميزانية تعتمد اذا حجزتي بدري ممكن تلقين شي بسعر مناسب ، وعموما الميزانية انتي تحددينها وكل شخص يخالف عن الثاني ..
السكن فية كثير اماكن حلوة وسعرها مناسب عطينا التاريخ بالظبط وندور لك . هل تفضلين فنادق او شقق فندقية وكم نجمة ؟
البرنامج عندك التقارير اقريها واختاري الي يناسبك ..

أكد على كلام المشرفة نجمة النجوم ... على حسب الميزانية ... عندك موقع http://www.gumtree.co.za
فيه شقق مفروشة كثير ، موقع جنوب افريقي ، عندك منطقة السي بوينت مثلا على البحر ، او الفنادق الي بالووتر فرنت .. اي استفسار حاظرين

المشاركة الأصلية كتبت بواسطة العثماني






الله يجزاك الجنه أخوي
الموقع دخلته وماعرفت اختار منه
ياليت إذا انت جربت جنوب افريقيا تعطيني الأماكن اللي سكنت فيها
وتقريبا أقل سكن عندهم بكم؟؟

مرحبا أختي العزيزة.. نحن لسه راجعين من هناك من يومين، وحقيقة البلد وايد وايد روعه. والجو كان بارد.
في شهر 12 بيكون الصيف عندهم بس طبعا مب مثل صيفنا أبدا، فدرجة الحرارة لا تتجاوز 25 درجة مئوية.
وإن شاء الله قريبا بنزل تقريري التفصيلي عن الرحلة.
تكاليف السفر لستة أشخاص (2 كبار و4 أطفال) ولمدة 12 يوم كانت 50 ألف درهم إماراتي، شاملة تذاكر السفر والسكن وكل المصاريف هناك.
في كيب تاون سكنا في شقة (غرفتين وصاله ومطبخ) وكانت جيدة وهذا رابطها
http://www.704henleymanor.com/
سعر الليلة كان 950 راند (تقريبا 475 درهم).
وفي المناطق الثانية اللي رحناها في الجاردن روت (واللي لازم تزورونها) سكنا في فنادق حلوة وسعرها مناسب.
بتلاقين التفاصيل في الرابط الموجود مع توقيعي.
وبرنامج رحلتنا المبدئي بتلاقينه في الرابطhttps://artravelers.com/p/re/596656">https://artravelers.com/p/re/596656
وطبعا أنصحج وبشدة قراءة التقرير الرائع للأخ أبو العصافير ، فأنا استفدت منه كثيرا.https://artravelers.com"4">وإجازة سعيدة إن شاء الله.